9வது டபுள் செஞ்சுரி போட்ட லாரா!

முல்தான்:பாகிஸ்தான் அணிக்கு எதிரான 2வது கிரிக்கெட் டெஸ்ட் போட்டியில் மேற்கு இந்தியத்தீவுகள் அணியின் கேப்டன் பிரையன் லாரா இரட்டை சதம் அடித்தார். இது அவருக்கு9வது இரட்டை சதம் ஆகும்.

பாகிஸ்தானில் சுற்றுப்பயணம் செய்து வரும் மேற்கு இந்தியத் தீவுகள் அணிக்கும்,பாகிஸ்தானுக்கும் இடையிலான 2வது கிரிக்கெட் டெஸ்ட் போட்டி முல்தான் நகரில்நடந்து வருகிறது.

பேட்டிங்குக்கு சாதகமான முல்தானில், இரு அணிகளும் ரன் குவிப்பில்ஈடுபட்டுள்ளன. முதல் இன்னிங்ஸில் 357 ரன்களை பாகிஸ்தான் சேர்த்தது. பின்னர்ஆடிய மேற்கு இந்தியத் தீவுகள் அணி 591 ரன்களைக் குவித்தது.

இதில் லாரா போட்ட அபார இரட்டை சதம் அடங்கும். அதிரடியாக ஆடிய லாரா 216ரன்களைக் குவித்தார். 262 பந்துகளில் இந்த இரட்டை சதத்தை லாரா எடுத்தார். இதுஅவருக்கு 9வது இரட்டை சதமாகும்.

அதிக அளவில் இரட்டை சதம் அடித்த வீரராக ஆஸ்திரேலியாவின் டான் பிராட்மன்முதலிடத்தில் உள்ளார். அவர் மொத்தம் 12 இரட்டை சதங்களை டெஸ்ட்போட்டிகளில் எடுத்துள்ளார். 2வது இடத்தில் லாரா உள்ளார்.

இரட்டை சதங்களை எடுத்துள்ள பிற வீரர்கள்: இங்கிலாந்தின் வால்டர் (7),இலங்கையின் அட்டப்பட்டு (6), பாகிஸ்தானின் மியான்டட் (6), இந்தியாவின் ராகுல்டிராவிட் (5), இலங்கையின் சங்கக்காரா, பாகிஸ்தானின் முகம்மது யூசுப், ஜாகிர்அப்பாஸ், இங்கிலாந்தின் ஹட்டன் ஆகியோர் தலா 4 இரட்டை சதங்களைஅடித்துள்ளனர்.

லாரா வேறு பல சாதனைகளுக்கும் சொந்தக்காரராக உள்ளார். 37 வயதான லாரா, 130டெஸ்ட் போட்டிகளில் ஆடி 11,904 ரன்களுடன் அதிக ரன் சேர்த்தவர்களில்முதலிடத்தில் உள்ளார்.

ஒரே இன்னிங்ஸில் அதிக ரன் சேர்த்தவர் என்ற பெருமையும் லாராவுக்கே சொந்தம்.2004ம் ஆண்டு இங்கிலாந்துக்கு எதிரான போட்டியில் ஆட்டமிழக்காமல் லாரா 400ரன்களைக் குவித்துள்ளார்.

இதேபோல டெஸ்ட் போட்டிகளில் அதிக முறை 150 ரன்களைச் சேர்த்தவர் என்றபெருமை பிராட்மனிடம் இருந்தது. அவர் மொத்தம் 18 முறை 150 ரன்களைக்கடந்துள்ளார். அந்தச் சாதனையையும் இந்த டெஸ்ட்டில் லாரா முறியடித்தார். அவர்19வது முறையாக 150 ரன்களைக் கடந்தார்.