தோஹா-தங்கம் வென்ற பயஸ்-பூபதி, சானியா

தோஹா:ஆசிய விளையாட்டுப் போட்டியில் ஆடவர் இரட்டையர் மற்றும் கலப்பு இரட்டையர் பிரிவில் இந்தியாவுக்கு 2தங்கப் பதக்கங்கள் கிடைத்தன. மகளிர் ஒற்றையர் போட்டியில் சானியா மிர்ஸா வெள்ளிப் பதக்கம் வென்றார்.

ஆடவர் இரட்டையர் பிரிவில் லியாண்டர் பயஸ், மகேஷ் பூபதி ஜோடி அபாரமாக ஆடி தங்கப் பதக்கத்தைத்தட்டிச் சென்றது. இந்த ஜோடி, தாய்லாந்தின் சன்சாய் சொன்சட் மற்றும் ரதிவட்டனா ஜோடியை எதிர்த்து ஆடி 5-7,7-6(9-7), 6-3 என்ற செட் கணக்கில் வென்றது. இந்தப் போட்டி மழையால் சிறிது நேரம் பாதிக்கப்பட்டது.

இதையடுத்து கலப்பு இரட்டையர் ஆட்டத்தில் பயஸ், சானியா மிர்ஸா ஜோடி, ஜப்பானின் சதோஷி இவாபுச்சி,அகிகோ மொரிகேமி ஜோடியை சுமார் இரண்டரை மணி நேரம் நடந்த போட்டியின் இறுதியில், 7-5, 5-7, 6-2என்ற செட் கணக்கில் வீழ்த்தி தங்கத்தை தட்டியது.

மகளிர் ஒற்றையர் பிரிவு ஆட்டத்தில் சானியா மிர்ஸா, தங்கம் வெல்வார் என எதிர்பார்க்கப்பட்டது. ஆனால் உலகபெண்கள் டென்னிஸில் 33வது இடத்தில் உள்ள சீனாவின் ஜீ ஜெங்குடன் நடந்த போட்டியில் சானியாவால்வெள்ளிப் பதக்கத்தையே பெற முடிந்தது.

இரு வீராங்கனைகளும் ஆரம்பத்திலிருந்தே அபாரமாக ஆடினர். இருவரும் செட்டுகளை மாறி மாறிப்பிடித்ததால் ஆட்டத்தில் விறுவிறுப்பு கூடியது. இறுதியில் ஜீ ஜெங், 6-4, 1-6, 6-1 என்ற செட் கணக்கில் வெற்றிபெற்று தங்கப் பதக்கத்தை வென்றார்.

மகளிர் ஹாக்கிப் போட்டியில் இந்திய அணிக்கு 3வது இடம் கிடைத்தது. இதன் மூலம் வெண்கலப் பதக்கத்தைமகளிர் அணி பெற்றது. ஆடவர் ஹாக்கி அணி அரை இறுதிக்குக் கூட முன்னேறாமல் கேவலமாக வெளியேறியநிலையில் பெண்கள் ஹாக்கி அணி பதக்கம் வென்றது இந்திய ஹாக்கி ரசிகர்களை மகிழ்ச்சியில் ஆழ்த்தியுள்ளது.

தற்போது இந்தியா 9 தங்கம், 18 வெள்ளி, 24 வெண்கலம் உள்பட மொத்தம் 51 பதக்கங்களுடன் 6வது இடத்தில்உள்ளது. சீனா தொடர்ந்து முதலிடத்தில் உள்ளது.