களஞ்சியம் சின்னப் பிள்ளையை அழைக்கும் ஹாலந்து

சென்னை:களஞ்சியம் பெண்கள் அமைப்பை உருவாக்கி கிராமப் பகுதிகளில் புரட்சியை ஏற்படுத்திய சின்னப் பிள்ளைஹாலந்து, மெக்சிகோ நாடுகளுக்கு செல்கிறார்.

மதுரை அழகர் கோவிலைச் சேர்ந்த சின்னப் பிள்ளை (63) கிராமப் புற பெண்களின் மேம்பாட்டுக்காக சிலஆண்டுகளுக்கு முன் களஞ்சியம் என்ற இயக்கத்தைத் தொடங்கினார்.

வெறும் 10 பேருடன் ஆரம்பிக்கப்பட்ட இந்த இயக்கம் இப்போது விரிந்து பரவி 9 மாநிலங்களில் 4 லட்சம் பேர்கொண்ட மாபெரும் பெண்கள் இயக்கமாக மாறியுள்ளது.

இந்த இயக்கத்தினர் தங்களுக்குள் கடனுதவி செய்து கொண்டு பெண்களின் மேம்பாட்டுக்கு உதவி வருகிறது.

சின்னப் பிள்ளை குறித்து அறிந்த அப்போதைய பிரதமர் வாஜ்பாய் அவரை டெல்லிக்கு வரவழைத்துபாராட்டியதோடு, இவரது காலிலும் விழுந்து வணங்கினார்.

இத்தனை பெருமை கொண்ட சின்னப் பிள்ளைக்கு சமீபத்தில் ஜனாதிபதி கலாமின் பாராட்டும் கிடைத்தது. உலகஅளவில் பல விருதுகளை வென்றுள்ள சின்னப் பிள்ளை அதே எளிமையோடு அழகர் கோவிலில் வசித்துவருகிறார்.

இந் நிலையில் கிராமப் புற வளர்ச்சி குறித்து ஆலோசனைகள் வழங்க இவரை ஹாலந்து, மெக்சிக்கோ நாடுகளின்பெண்கள் அமைப்புகள் அழைத்துள்ளன. மேலும் எத்தியோப்பியாவுக்கும் அழைக்கப்பட்டுள்ளார்.

இந்தியாவில் தான் செய்த சேவை குறித்து சின்னப் பிள்ளை விளக்கம் தர உள்ளார்.