6ம் வகுப்பு முதல் செக்ஸ் கல்வி!-தமிழகம் திட்டம்

சென்னை:தமிழக பள்ளிகளில் 6ம் வகுப்பு முதல் செக்ஸ் கல்வியை அறிமுகப்படுத்தத் திட்டமிட்டுள்ளதாக மாநில பள்ளிக் கல்வித்துறைஅமைச்சர் தங்கம் தென்னரசு கூறியுள்ளார்.

சட்டசபையில் இதுதொடர்பாக கேட்கப்பட்ட கேள்விகளுக்கு அவர் பதிலளிக்கையில், டெல்லியில் பள்ளி மாணவர்களுக்குவளர் இளம் பருவ மாற்றத்தை எதிர்கொள்ளும் கல்வி முறை நடைமுறையில் உள்ளது.

இந்தப் பாடத் திட்டத்தை நமது கல்வித்துறை அதிகாரிகள் டெல்லி சென்று ஆய்வு செய்தனர்.

தற்போது செக்ஸ் கல்வியை பாடத் திட்டத்தில் சேர்க்க வேண்டும் என கல்வியாளர்கள் வற்புறுத்தி வருகின்றனர்.

பாலியல் குறித்த கல்விக்கு மட்டும் முக்கியத்துவம் தராமல், அத்துடன் விழிப்புணர்வு, தூய்மை, சுகாதாரத்தையும், உள்ளடக்கியவளர் இளம்பருவ மாற்றங்களை எதிர்கொள்ளும் வகையில் 6ம் வகுப்பிலிருந்து தேவையான பாடங்களை கொண்டு வரபரிசீலித்து வருகிறோம் என்றார் தங்கம் தென்னரசு.