விண்வெளி நடை: சுனிதா வில்லியம்ஸ் சாதனை

ஹூஸ்டன்:விண்வெளியில் அதிக நேரம் நடந்த முதல் வீராங்கனை என்ற பெருமை இந்திய வம்சாவளியைச் சேர்ந்த அமெரிக்க விண்வெளி வீராங்கனைசுனிதா வில்லியம்ஸுக்குக் கிடைத்துள்ளது.

இந்திய வம்சாவளி விண்வெளி வீராங்கனையான சுனிதா தற்போது விண்ணில் வசித்து வருகிறார். அங்குள்ள சர்வதேச விண்வெளி மையத்தில்தங்கியிருக்கும் சுனிதா 6 மாதங்களுக்கு அங்குதான் வாசம் புரிவார்.

தற்போது புதிய சாதனை ஒன்றை சுனிதா படைத்துள்ளார். அதிக நேரம் விண்வெளியில் உலவிய முதல் வீராங்கனை என்ற பெருமைதான் அது.அவரும், சக வீரர் மைக்கேல் லோபஸும் இணைந்து ஆய்வு மையத்தை விட்டு வெளியே வந்தனர். சில பழுது பார்க்கும் நடவடிக்கைகளைஅவர்கள் மேற்கொண்டனர்.

இந்த நடையோடு, மொத்தம் 22 மணி நேரம் 27 நிமிடங்களை பூர்த்தி செய்துள்ளார் சுனிதா. இதுவரை யாரும் இவ்வளவு அதிக நேரம்விண்வெளியில் நடந்ததில்லை.

இதற்கு முன்பு கேத்தி தாரன்டன் என்ற அமெரிக்க வீராங்கனைதான் அதிக நேரம் விண்ணில் நடந்த வீராங்கனை என்ற சாதனையைவைத்திருந்தார். தற்போது அதை சுனிதா முந்தியுள்ளார். நேற்று சுனிதா விண்வெளியில் நடந்தது 3வது முறையாகும்.