சானியா ஒரு மாதத்திற்கு விளையாட முடியாது

டெல்லி:வலது முலங்காலில் ஏற்பட்டுள்ள காயம் காரணமாக இந்தியாவின் இளம் டென்னிஸ் வீராங்கனை சானியா மிர்ஸா ஒரு மாதத்திற்கு போட்டிகளில்கலந்து கொள்ள முடியாத நிலை ஏற்பட்டுள்ளது.

20 வயதாகும் ஹைதராபாத்தைச் சேர்ந்த சானியா மிர்ஸா, கத்தார் ஓபன் போட்டியில் கலந்து கொண்டிருந்தார். ஆனால் போட்டியின்போது அவரதுவலது முழங்காலில் காயம் ஏற்பட்டது. இதையடுத்து போட்டியிலிருந்து விலகிய அவர்நாடு திரும்பினார்.

டெல்லியில் உள்ள அப்பல்லோ மருத்துவமனையில் அனுமதிக்கப்பட்ட சானியாவுக்கு பரிசோதனைகள் நடத்தப்பட்டன. இதில்,அவரது வலது முழங்காலில் ஒரு தசை கிழிந்திருப்பது தெரிய வந்தது.

இதை சரி செய்ய அறுவைச் சிகிச்சை செய்ய வேண்டியிருக்கும் என முதலில் கருதப்பட்டது. ஆனால் தற்போது அறுவைச் சிகிச்சை தேவையில்லைஎன்ற முடிவுக்கு டாக்டர்கள் வந்துள்ளனர். இருப்பினும் இன்னும் நான்கு வாரங்களுக்குஅவர் முழு ஓய்வில் இருக்க வேண்டும் என டாக்டர்கள் தெரிவித்துள்ளனர்.

ஒரிரு நாட்களில் சானியா டிஸ்சார்ஜ் செய்யப்பட்டு விடுவார். நான்கு வார ஓய்வுக்குப் பின்னர் அவருக்கு அடுத்த கட்ட சிகிச்சைமேற்கொள்ளப்படும்.

சானியாவுக்கு தற்போது ஏற்பட்டுள்ள பிரச்சினை மிகப் பெரியது இல்லை. என்றாலும் நான்கு வார ஓய்வுக்குப் பின்னரே அவர் எப்போதுவிளையாடலாம் என்பதை உறுதியாக சொல்ல முடியும் என டாக்டர்கள் தெரிவித்துள்ளனர்.