நஜ்மா ஹெப்துல்லா கணவர் மரணம்

டெல்லி:

ராஜ்யசபா முன்னாள் துணைத் தலைவர் நஜ்மா ஹெப்துல்லாவின் கணவர் அக்பர் அலி ஹெப்துல்லா இன்று டெல்லியில் மரணமடைந்தார்.

ராஜ்யசபா முன்னாள் துணைத் தலைவரும், எம்.பியுமான நஜ்மா ஹெப்துல்லாவின் கணவர் அக்பர் அலி ஹெப்துல்லா. இவர் மனித வள ஆலோசகராவார்.

75 வயதான அக்பர் அலி ஹெப்துல்லா, வயிற்று வலி காரணமாக அகில இந்திய மருத்துவ விஞ்ஞானக் கழக மருத்துவமனையில் அனுமதிக்கப்பட்டிருந்தார்.

சிகிச்சை பலனளிக்காமல் இன்று அவர் மரணமடைந்தார். இதையடுத்து மூத்த பாஜக தலைவர்கள், பல்வேறு கட்சிகளின் எம்.பிக்கள் அக்பர் அலி உடலுக்கு அஞ்சலி செலுத்தினர். நஜ்மாவுக்கு ஆறுதல் தெரிவித்தனர்.