அமைச்சரைக் கண்டித்து சிவகங்கையில் போஸ்டர்

சிவகங்கை:

இந்து அறநிலையத்துறை அமைச்சர் பெரியகருப்பனைக் கண்டித்து போஸ்டர் ஒட்டப்பட்டதால் சிவகங்கையில் பரபரப்பு ஏற்பட்டது.

சிவகங்கை மாவட்டம் இளையான்குடியில் இலவச கலர் டிவி மற்றும் இலவச காஸ் அடுப்பு வழங்கும் விழா நடந்தது. விழாவில் இந்து அறநிலைய துறை அமைச்சர் பெரிய கருப்பன், கலெக்டர் சித்திக், எம்எல்ஏ கண்ணப்பன் ஆகியோர் கலந்து கொண்டனர்.

விழாவில் இளையான்குடி கிராம பகுதிகளுக்கு மட்டும் இலவச கலர் டிவி மற்றும் இலவச காஸ் அடுப்பு வழங்கப்பட்டது என பொதுமக்கள் தரப்பில் புகார் கூறப்பட்டது.

இந்நிலையில் அமைச்சர் பெரிய கருப்பனையும், எம்எல்ஏ கண்ணப்பனையும் கண்டித்து சிவகங்கையில் போஸ்டர்கள் ஒட்டப்பட்டிருந்தன. இதனால் பரபரப்பு ஏற்பட்டது.