மெக்சிகோவில் கடும் நிலநடுக்கம்

வாஷிங்டன்:

மெக்சிகோவின், கலிபோர்னியா வளைகுடா பகுதியில் சக்தி வாய்ந்த நிலநடுக்கம் ஏற்பட்டுள்ளது. இதில் ஏற்பட்ட சேதம் குறித்த விவரம் தெரியவில்லை.

பாஜா கலிபோர்னியா என்ற இடத்தில் உள்ள லாஸ் கபோஸ் அருகே 163 கிலோமீட்டர் தொலைவில் கடலுக்கு 10 கி.மீ அடியில் இந்த நிலநடுக்கம் ஏற்பட்டுள்ளது. இதன் அளவு 5 ரிக்டராக பதிவாகியுள்ளது.

இந்திய நேரப்படி இன்று காலை 8.37 மணிக்கு இந்த நிலநடுக்கம் ஏற்பட்டது. இருப்பினும் சேதம் குறித்த விவரம் தெரியவில்லை.

இன்று நிலநடுக்கம் ஏற்பட்ட பகுதிக்கு அருகேதான் சனிக்கிழமை 6.3 ரிக்டர் அளவிலான கடுமையான நில நடுக்கம் ஏற்பட்டது குறிப்பிடத்தக்கது.

இந்த நிலநடுக்கத்தால் சுனாமி அலைகள் எழ வாய்ப்பில்லை என்று தெரிவிக்கப்பட்டுள்ளது.