மாநில தேர்தல் ஆணையத்திற்கு புது கட்டடம்

சென்னை:

தமிழக தேர்தல் ஆணையத்திற்கு ரூ. 1.5 கோடி மதிப்பீட்டில் புதிய கட்டடம் கட்டப்படும் என தேர்தல் ஆணையர் சந்திரசேகரன் கூறியுள்ளார்.

இதுகுறித்து அவர் கூறுகையில், மாநில தேர்தல் ஆணையத்திற்கு புதிய கட்டடம் கட்ட நிதி ரூ. 1.5 கோடி ஒதுக்கப்பட்டுள்ளது. முதல் கட்டமாக ரூ. 60 லட்சம் ஒதுக்கப்பட்டுள்ளது.

புதிய கட்டடம் கோயம்பேட்டில் கட்டப்படும். இங்கு அலுவலர்கள், பணியாளர்களுக்கு தேவையான அனைத்து அடிப்படை வசதிகளும் இருக்கும்.

கட்டுமானப் பணிக்கு கூடுதலாக ரூ. 37 லட்சம் நிதியை வழங்க வேண்டும் என்று முதல்வருக்குக் கோரிக்கை விடுத்துள்ளேன் என்றார் அவர்.