கருணாநிதிக்கு 'நல்ல புத்தி'- 'உக்கி' போட்டு போராட்டம்!

கோவை:

ராமரைப் பற்றி அவதூறாகப் பேசும் முதல்வர் கருணாநிதிக்கு நல்ல புத்தி கொடுக்க வேண்டி, விநாயகர் சிலை முன்பு இந்து மக்கள் கட்சியினர் உக்கி (தோப்புக்கரணம்) போட்டு நூதனப் போராட்டம் நடத்தினர்.

ராமர் குறித்து முதல்வர் கருணாநிதி விமர்சித்திருப்பதற்கு இந்து அமைப்புகள் கண்டனம் தெரிவித்துள்ளன.

இந்த நிலையில் நேற்று கோவையில் நடந்த விநாயகர் சிலை ஊர்வலத்தின்போது இந்து மக்கள் கட்சியைச் சேசர்ந்தவர்கள் நூதனப் போராட்டம் நடத்தினர்.

விநாயகர் சிலை முன்பு கூடிய இந்து மக்கள் கட்சியினர், ராமர் குறித்து முதல்வர் கருணாநிதி அவதூறாகப் பேசுகிறார். அவர் இனிமேல் அப்படிப் பேசக் கூடாது. அவருக்கு நல்ல புத்தி கொடு பிள்ளையாரே என்று கூறி தோப்புக்கரணம் போட்டு நூதனப் போராட்டம் நடத்தினர்.