சுனிதா ஒரு 'ரோல் மாடல்'- பிரதமர் புகழாரம்

டெல்லி:

இந்தியக் குழந்தைகளுக்கு நல்ல ரோல் மாடலாகவும், இந்தியப் பெண்களுக்கு ஆதர்ச உதாரணமாகவும் சுனிதா வில்லியம்ஸ் விளங்குகிறார் என்று பிரதமர் மன்மோகன் சிங் புகழாரம் சூட்டியுள்ளார்.

இந்தியா வந்துள்ள விண்வெளி வீராங்கனை சுனிதா வில்லியம்ஸுடன்று பிரதமர் மன்மோகன் சிங் தொலைபேசியில் தொடர்பு கொண்டு பேசினார். அப்போது டெல்லிக்கு வருகை தருமாறும், தன்னை வந்து சந்திக்குமாறும் அவர் வேண்டுகோள் விடுத்தார்.

மன்மோகன் சிங் கூறுகையில், நீங்கள் இந்தியக் குழந்தைகளுக்கு நல்ல ரோல் மாடலாக விளங்குகிறீர்கள். இந்தியப் பெண்களுக்கு சிறந்த உந்து சக்தியா, ஆதர்ச உதாரணமாக விளங்குகிறீர்கள் என்று புகழாரம் சூட்டினார்.

விண்வெளியில் 195 நாட்கள் தங்கியிருந்து புதிய சாதனை படைத்துள்ள சுனிதா வில்லியம்ஸ் ஒரு வார கால பயணமாக இந்தியா வந்துள்ளார். தற்போது தனது சொந்த மாநிலமான குஜராத்தில் தங்கியுள்ளார் என்பது குறிப்பிடத்தக்கது.