சென்னையில் ரூபாய்க்கு ஒரு சேனல்- கேபிள் டிவி ஆபரேட்டர்கள் அதிரடி!!

சென்னை:

சென்னை நகரில் ரூ. 75 ரூபாய்க்கு 75 சானல்களைக் காட்டத் தயாராக இருப்பதாக கேபிள் டிவி ஆபரேட்டர்கள் அறிவித்துள்ளனர்.

இதுதொடர்பாக தமிழ்நாடு கேபிள் டிவி ஆபரேட்டர்கள் சங்கத் தலைவர் ஷகீலன் கூறுகையில், கேபிள் டிவி ஆபரேட்டர்கள் இணைந்து தனியாக ஒரு எம்.எஸ்.ஓவை உருவாக்கவுள்ளோம்.

இதன்படி, சென்னையில் அனைத்து கேபிள் டிவி ஆபரேட்டர்களும் இணைந்து புதிய கட்டமைப்பை உருவாக்குவோம். மேலும் சென்னையில் 75 ரூபாய்க்கு, 75 சானல்களை காட்டப் போகிறோம். இதேபோல தமிழகத்தின் பிற பகுதிகளிலும் குறைந்த கட்டணத்தில் அதிக சானல்களை ஒளிபரப்பத் திட்டமிட்டுள்ளோம்.

சன் டிவி தனது டிடிஎச் சேவையை நிறுத்த வேண்டும். இல்லாவிட்டால் அவர்களுக்குத் தர வேண்டிய ரூ. 10 கோடி பாக்கிப் பணத்தைத் தர மாட்டோம் என்றார் ஷகீலன்.