ஏர்-அரேபியாவின் பெங்களூர் விமான சேவை

துபாய்:

குறைந்த கட்டண விமான சேவையை நடத்தி வரும் ஏர் அரேபியா நிறுவனம் பெங்களூருக்கு புதிய விமான சேவையை அறிவித்துள்ளது.

ஏர் அரேபியா தனது விமான சேவையை விரிவுபடுத்தும் 9வது இந்திய நகரம் பெங்களூராகும். அக்டோபர் 15ம் தேதி முதல் ஏர் அரேபியாவின் பெங்களூர் சேவை தொடங்குகிறது பெங்களூருக்கும், ஷார்ஜாவுக்கும் இடையே இந்த விமானம் வாரம் நான்கு முறை இயக்கப்படும். அக்டோபர் 29ம் தேதி முதல் தினசரி சேவையாக இது மாற்றப்படும்.

இந்த விமானம், ஷார்ஜாவிலிருந்து (உள்ளூர் நேரப்படி) இரவு 10.50 மணிக்குக் கிளம்பி பெங்களூரை அதிகாலை (இந்திய நேரப்படி) 4.20 மணிக்கு வந்தடையும்.

மறு மார்க்கத்தில் பெங்களூரிலிருந்து காலை 5.05 மணிக்குக் கிளம்பி ஷார்ஜாவை காலை 7.50 மணிக்கு சென்றடையும்.