வீரேந்திர ஷேவாக்குக்கு ஆண் குழந்தை பிறந்தது

டெல்லி:

இந்திய கிரிக்கெட் வீரர் வீரேந்திர ஷேவாக்கின் மனைவி ஆர்த்தி டெல்லி மருத்துவமனையில் நேற்று அழகான ஆண் குழந்தை பிறந்துள்ளது.

ஷேவாக்கின் மனைவி ஆர்த்தி கர்ப்பமாக இருந்தார். நேற்று அவருக்கு பிரசவ வலி ஏற்பட்டது. இதையடுத்து அவரை மருத்துவமனையில் சேர்த்தனர். அங்கு அவருக்கு அழகான ஆண் குழந்தை பிறந்தது.

ஷேவாக்குக்கு இன்று 29வது பிறந்த நாளாகும். இந்த நிலையில் தனக்கு மகன் பிறந்திருப்பது குறித்து அவர் மகிழ்ச்சி அடைந்துள்ளார். மகன் பிறந்தது குறித்து ஷேவாக் கூறுகையில், உலகின் உச்சியில் இருக்கிறேன். மகிழ்ச்சிக் கடலில் மூழ்கியிருக்கிறேன். என்னால் சந்தோஷத்தை அடக்க முடியவில்லை.

எனது பிறந்த நாளுக்கு முதல் நாள் எனக்கு மகனைப் பெற்றுத் தந்ததற்காக ஆர்த்திக்கு நன்றி கூறிக் கொள்கிறேன் என்றார் ஷேவாக்.