கலிபோர்னியாவில் பயங்கர காட்டுத் தீ - நடிகர்களின் வீடுகள் சாம்பல்

Click here for more images

கலிபோர்னியா: அமெரிக்காவின் கலிபோர்னியா மாகாணத்தில் ஏற்பட்டுள்ள காட்டுத் தீயை அணைக்க முடியாமல் அதிகாரிகள் திணறி வருகின்றனர். தீயை முழுமையாக அணிக்கும் பணிக்கு 1500 வீரர்கள் தேவை என்று அம்மாநில ஆளுநரும், ஹாலிவுட் நடிகருமான அர்னால்ட் ஸ்வர்சனீகர் கூறியுள்ளார்.

அமெரிக்காவின் கலிபோர்னியா மாகாணத்தில், புகழ்பெற்ற சுற்றுலா தலமான மலிபு பகுதியில் இருந்து மெக்சிகோ நாட்டு எல்லை வரை பயங்கர காட்டுத் தீ பரவியுள்ளது.

சாண்டியாகோவில் ஒருவர் தீக்குப் பலியாகியுள்ளார். இப்பகுதியில் ஏராளமான ஹாலிவுட் நடிகர், நடிகைகள் வசித்து வருகின்றனர். அனைவரும் அங்கிருந்து அப்புறப்படுத்தப்பட்டுள்ளனர். மொத்தமாக இதுவரை 35 ஆயிரத்திற்கும் அதிகமான மக்கள் அங்கிருந்து பாதுகாப்பான இடங்களுக்கு மாற்றப்பட்டுள்ளனர்.

காட்டுத்தீயால், இது வரை 2,200 ஹெக்டேர் பகுதி எரிந்து போய் விட்டது. மணிக்கு 60 கி.மீ., வேகத்தில் காட்டுத் தீ பரவி வருகிறது. தீயை கட்டுப்படுத்த முடியாமல் தீயணைப்பு வீரர்கள் திணறி வருகின்றனர். மாகாண நிர்வாகமும் திணறி வருகிறது.

தீயை அணைக்க இன்னும் இரண்டு நாட்களாகும் என்று அறிவிக்கப்பட்டுள்ளது. ஹாலிவுட் நடிகர்களுக்குச் சொந்தமான பல கோடி மதிப்புள்ள வீடுகள் தீக்கு இரையாகி விட்டன.
பலியாகியுள்ளார்.

இந்நிலையில் கலிபோர்னியா கவர்னரும், ஹாலிவுட் நடிகருமான அர்னால்டு ஸ்வாஸ்நேகர், பரவியுள்ள காட்டுத் தீயை அணைக்க 1,500 தீயணைப்பு வீரர்கள் வேண்டும் என்று கூறியுள்ளார். மலிபு பகுதியில் அவசர நிலை பிரகடனப்படுத்தப்பட்டுள்ளது.

இந்தத் தீக்கு ஒருவர் பலியாகியுள்ளார்.