டாஸ்மாக் ஊழியர்களுக்கு போனஸ் - முதல்வர் அறிவிப்பு

சென்னை: டாஸ்மாக் ஊழியர்களுக்கு இந்த ஆண்டு தீபாவளிக்கு 20 சதவீத போனஸ் அறிவிக்கப்பட்டுள்ளது. இதேபோல பாடநூல் கழக ஊழியர்களுக்கும் 20 சதவீத போனஸ் அறிவிக்கப்பட்டுள்ளது.

டாஸ்மாக் ஊழியர்களுக்கு கடந்த ஆண்டு 8.33 சதவீத போனஸ், 6.67 சதவீத கருணைத் தொகை வழங்கப்பட்டது. இது இந்த ஆண்டு அதிகரிக்கப்பட்டு, 13.19 சதவீத போனஸ் மற்றும் 6.81 சதவீத கருணைத் தொகையாக, அதாவது 20 சதவீதம் வழங்க முதல்வர் கருணாநிதி உத்தரவிட்டுள்ளார்.

டாஸ்மாக் நிறுவன ஒப்பந்த தொழிலாளர்கள், சி, டி பிரிவு ஊழியர்கள் உள்ளிட்ட 31 ஆயிரத்து 142 பேருக்கு இந்த போனஸ் கிடைக்கும்.

இதேபோல தமிழ்நாடு பாடநூல் நிறுவன ஊழியர்கள், தமிழ்நாடு செய்தித்தாள் காகித நிறுவன ஊழியர்களுக்கும் 20 சதவீத போனஸ் வழங்கப்பட்டுள்ளது.