பாஜக தலைவர் அத்வானி பிறந்த நாள்

டெல்லி: பாஜக மூத்த தலைவரும், முன்னாள் துணைப் பிரதமருமான எல்.கே.அத்வானி தனது 80வது பிறந்த நாளைக் கொண்டாடினார்.

அத்வானியின் பிறந்த நாளையொட்டி டெல்லியில் உள்ள அவரது வீட்டுக்கு கட்சியின் மூத்த தலைவர்கள் சென்று வாழ்த்தை தெரிவித்தனர்.

குஜராத் முதல்வர் நரேந்திர மோடி, ராஜஸ்தான் முதல்வர் வசுந்தர ராஜே சிந்தியா, சட்டீஸ்கர் முதல்வர் ரமண் சிங் மற்றும் மத்தியப் பிரதேச முதல்வர் உள்ளிட்டோரும் அத்வானிக்கு நேரில் பிறந்த நாள் வாழ்த்துக்களைத் தெரிவித்தனர்.

பீகார் முதல்வர் நிதிஷ் குமார், அத்வானிக்கு தொலைபேசியில் வாழ்த்து தெரிவித்தார்.