துபாயில் முமுக சார்பில் இலவச மருத்துவ முகாம்

துபாய்: துபாய் முஸ்லிம் முன்னேற்றக் கழகம் மற்றும் கராமா மெடிக்கல் செண்டர் ஆகியவை இணைந்து நாளை (23ம் தேதி) துபாயில் இலவச மருத்துவ முகாமை நடத்தவுள்ளன.

அல்-கூஸ் கிராண்ட் சிட்டி மாலில் அமைந்துள்ள கராமா மெடிக்கல் செண்டரில் இந்த மருத்துவ முகாம் நடைபெறுகிறது. காலை 8 மணி முதல் 12 மணி வரை முகாம் நடைபெறும்.

இதில் பொது மருத்துவம் மற்றும் அறுவை சிகிச்சை ஆலோசனை, குழந்தைகள் நலம், பெண்கள் மற்றும் மகப்பேறு ஆலோசனை, பல் சிகிச்சை, தோல் நோய்கள் பரிசோதனை, சர்க்கரை நோய், இரத்த அழுத்த பரிசோதனை, சிடி ஸ்கேன், எக்ஸ் ரே, அல்ட்ராசவுண்ட் சிறப்பு அலோசனை உள்ளிட்ட சேவைகளைப் பெறலாம்.

மேலதிக விபரங்களுக்கு : 04 2732087 / 050 2182480 / 050 584 6998 / 055 9866251 ஆகிய தொலைபேசி எண்களை தொடர்பு கொள்ளலாம்.

புஜைராவில்..

துபாயில் இருந்து 100 கி.மீ தொலைவில் உள்ள புஜைராவிலும் முஸ்லிம் முன்னேற்றக் கழகம் எமிரேட்ஸ் பிரைவேட் கிளினிக்கில் நாளை காலை 7 மணி முதல் 12 மணி வரை இலவச மருத்துவ முகாமிற்கு டாக்டர் பாபு ஜார்ஜ் தலைமையில் ஏற்பாடு செய்துள்ளது.

இது குறித்த மேலதிக விபரங்களுக்கு : 050 390 37 36 / 050 698 3136 ஆகிய எண்களை தொடர்பு கொள்ளலாம்.