• search
For Quick Alerts
ALLOW NOTIFICATIONS  
For Daily Alerts

சாலை விபத்துகள்: இந்தியாவில் தமிழகம் முதலிடம்- டெல்லியை தொடும் சென்னை

By Staff
|
Accident
டெல்லி: இந்தியாவில் நடக்கும் சாலை விபத்துக்களில் தமிழகம் தான் முதலிடத்தில் உள்ளது.

இந்தியாவில் நடக்கும் சாலை விபத்துகள் குறித்த தகவல்களை தேசிய குற்ற ஆவணங்கள் அமைப்பு வெளியிட்டுள்ளது. 2006ம் ஆண்டுக்கான சாலை விபத்துகளின் விவரங்கள் சேகரிக்கப்பட்டு வரும் நிலையில் 2005ம் ஆண்டுக்கான விவரங்கள் முழு அளவில் வெளியிடப்பட்டுள்ளன.

அதன் விவரம்

இந்தியாவில் சாலை விபத்துகளில் இறந்தவர்களின் எண்ணிக்கை 2001ம் ஆண்டு 80,262. இது 2005ம் ஆண்டில் 98,254 ஆக உயர்ந்துவிட்டது.

சாலை விபத்தால் தினந்தோறும் 280 பேர் இறக்கின்றனர். 2005ம் ஆண்டு சாலை விபத்துகளில் இறந்தவர்களில் மூன்றில் ஒரு பகுதியினர் 15 முதல் 44 வயதுக்கு உட்பட்டவர்கள். நான்கில் ஒரு பகுதியினர் சாலைகளில் நடந்து சென்றவர்கள்.

டிரக், லாரிகள் போன்ற கனரக வாகனங்களுக்கு இணையாக, கார்கள் மற்றும் இரு சக்கர வாகனங்களால் ஏற்படும் விபத்துகளும் அதிகமாகிவிட்டன.

மாநிலங்கள் வாரியாக சாலை விபத்துகளில் முதலிடத்தில் இருப்பது தமிழகம் தான்.

கடந்த 2005ம் ஆண்டில் தமிழகத்தில் மட்டும் 13,961 பேர் சாலை விபத்துகளில் இறந்துள்ளனர். இதற்கு அடுத்தப்படியாக ஆந்திராவில் 10,944 பேர் இறந்துள்ளனர்.

இந்தியா முழுவதும் சாலை விபத்துகளில் இறந்தவர்களின் எண்ணிக்கையில் நான்கில் ஒரு பகுதியினர் தமிழகம் மற்றும் ஆந்திர மாநிலங்களை சேர்ந்தவர்கள்.

பெரு நகரங்களில் வரிசையில் டெல்லி தான் விபத்துக்களில் முதலிடம் உள்ளது. அடுத்த இடத்தில் சென்னை உள்ளது.

2005ம் ஆண்டில் டெல்லியில் 1,717 பேரும் சென்னையில் 1,055 பேரும் இறந்துள்ளனர்.

இந்தியா முழுவதும் 2006ம் ஆண்டில் சாலை விபத்துகளில் இறந்தவர்களின் எண்ணிக்கை ஒரு லட்சத்தை தாண்டும் எனத் தெரிகிறது.

உலகம் முழுவதும் ஆண்டுதோறும் 12 லட்சம் பேர் சாலை விபத்துகளில் இறக்கின்றனர் என ஐ.நா புள்ளி விவரங்கள் தெரிவிக்கின்றன.

இதன் மூலம் உலகில் ஓராண்டில் சாலை விபத்துக்களால் இறப்பவர்களில் 10 முதல் 12 சதவீதம் பேர் இந்தியாவில் தான் இறக்கிறார்கள் என்பது குறிப்பிடத்தக்கது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

வட சென்னை தொகுதியின் மொத்த தேர்தல் தகவலும் இங்கே!
  • P. Santhana Krishnan
    பி சந்தான கிருஷ்ணன்
    அம்மா மக்கள் முன்னேற்றக் கழகம்
  • R Mohanraj
    ஆர். மோகன்ராஜ்
    தேசிய முற்போற்கு திராவிட கழகம்

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more