அம்பேத்கர் சிலை முன்பு பெரியார் தி.க-பாஜகவினர் அடிதடி

திருச்சி: திருச்சியில் இன்று அம்பேத்கர் சிலை முன்பு பெரியார் திராவிடர் கழகத்தினரும், பாஜகவினரும் மோதிக் கொண்டதால் பெரும் பரபரப்பு ஏற்பட்டது.

இன்று டாக்டர் அம்பேத்கரின் நினைவு தினம். இதையொட்டி, திருச்சியில் பெரியார் திராவிடர் கழகத் தலைவர் ராஜேந்திரன் தலைமையில் பெரும் திரளான தொண்டர்கள், அம்பேத்கர் சிலைக்கு மாலை அணிவிக்கச் சென்றனர்.

அப்போது அம்பேத்கர் சிலைக்கு மாலை அணிவிக்க பாஜகவினரும் வந்திருந்தனர். அப்போது இரு தரப்பினருக்கும் கடும் வாக்குவாதம் ஏற்பட்டு பின்னர் ஒருவரையொருவர் கடுமையாக தாக்கி கொண்டனர்.

இத்தன பேர் கூடிய அந்த இடத்தில் இரண்டே இரண்டு போலீஸார் மட்டுமே பாதுகாப்புக்கு இருந்தனர். திடீர் மோதலை அவர்கள் எதிர்பார்க்கவில்லை. பின்னர் கூடுதல் போலீஸார் வரவழைக்கப்பட்டு கூட்டத்தினரை கலைந்து போகச் செய்தனர்.