குடும்பத்துடன் கேரளாவில் ஸ்டாலின் ஓய்வு

கோட்டயம்: கேரள மாநிலத்தில் உள்ள குமரகோமில் உள்ளாட்சித் துறை அமைச்சர் மு.க.ஸ்டாலின் தனது குடும்பத்துடன் ஓய்வெடுத்து வருகிறார்.

நெல்லையில் திமுக இளைஞர் அணி மாநாட்டை வெற்றிகரமாக நடத்தி முடித்த நிலையில், அமைச்சர் மு.க.ஸ்டாலின் தனது குடும்பத்தினருடன் கேரள மாநிலம் குமரகோமில் ஓய்வுக்காக சென்றுள்ளார். ஸ்டாலினுடன் அவரது மனைவி, மகன் உள்ளிட்டோரும் வந்துள்ளனர்.

குமரகோம், கோட்டயம் அருகே உள்ள அழகிய சுற்றுலா தலமாகும். கண்ணைக் கவரும் ஏரிகள், பறவைகள் சரணாலயம், படகு விளையாட்டுக்கள், நீர்வீழ்ச்சிகள் உள்ளிட்ட பல எழில் கொஞ்சும் அம்சங்கள் இங்கு உள்ளன.

முன்னாள் பிரதமர் வாஜ்பாய் உள்ளிட்ட பல பிரபலங்கள் இங்கு வந்து ஓய்வெடுத்துச் சென்றுள்ளனர்.