மணிப்பூர் சட்டசபையில் குண்டுவெடிப்பு

இம்பால்: மணிப்பூர் சட்டசபை வளாகத்தில் இன்று குண்டு வெடித்தது. இருப்பினும் உயிரிழப்பு ஏதும் இல்லை.

மணிப்பூர் சட்டசபையில் பட்ஜெட் கூட்டத் தொடர் நடந்து வருகிறது. இன்று சட்டசபைக்கு விடுமுறை. இந்த நிலையில், சட்டசபை வளாகத்தின் வடக்கு பகுதியில் இன்று திடீரென்று குண்டு வெடித்தது.

அப்போது ஆட்கள் யாரும் அங்கு இல்லாததால் உயிரிழப்போ, காயமோ இல்லை.

போலீசார் வழக்குப் பதிவு செய்து விசாரித்து வருகின்றனர். இதுவரை யாரும் கைது செய்யப்படவில்லை.

இந்த சம்பவத்தால் இம்பால் நகரில் பரபரப்பு நிலவுகிறது.