2 நாளில் தமிழக காங். தலைவர் மாற்றம்: ஈ.வி.கே.எஸ். இளங்கோவன்

விழுப்புரம்: தமிழ காங்கிரஸ் தலைவர் இரண்டு நாளில் மாற்றப்படுவார் என்று மத்திய ஜவுளித் துறை இணை அமைச்சர் ஈ.வி.கே.எஸ். இளங்கோவன் தெரிவித்துள்ளார்.

விழுப்புரத்தில் எசாலம் கைத்தறி குழும திட்ட திறப்பு விழா நடைபெற்றது. இதில் மத்திய ஜவுளித்துறை அமைச்சர் இளங்கோவன் கலந்து கொண்டு திறந்து வைத்தார்.

பின்பு செய்தியாளர்களிடம் அவர் பேசுகையில், நாடு முழுமைக்கும் 273 நூல் டெப்போக்கள் கைத்தறி நெசவாளர்களின் உபயோகத்திற்காக திறக்கப்பட உள்ளது.

கைத்தறி நெசவாளர்களுக்கு நிதி உதவி வழங்கும் திட்டம் மத்திய அரசின் பரிசீலனையில் உள்ளது. விரைவில் அது நடைமுறைக்கு வரும்.

நாடாளுமன்றத்திற்கு எப்போது தேர்தல் வந்தாலும் அதை சந்திக்க காங்கிரஸ் கட்சி தயாராகவே உள்ளது. தமிழக காங்கிரஸ் தலைமை இன்னும் இரண்டு நாளில் மாற்றப்படும் என்றார் அவர்.