துபாய்-ஷார்ஜா இடையே டபுள் டெக்கர் பஸ்

துபாய்: துபாய்-ஷார்ஜா இடையே இரண்டடுக்கு (double decker) பேருந்து போக்குவரத்து சேவை தொடங்கப்பட்டுள்ளது.

திட்டம் அறிவிக்கப்பட்ட தேதிக்கு ஒரு மாத காலத்திற்கு முன்னரே போக்குவரத்து துவங்கப்பட்டுள்ளது குறிப்பிடத்தக்கது.

இச்சேவை பர்ஜ் துபாய் பேருந்து நிலையத்திற்கும், ஷார்ஜா அல் ஜுபைல் பேருந்து நிலையத்திற்கும் இடையே தொடங்கப்பட்டுள்ளது.

எழுபது பேருந்துகள் இவ்வழித் தடத்தில் இயக்கப்படும் என போக்குவரத்துத் துறை அதிகாரிகள் தெரிவித்துள்ளனர். அமீரகத்தில் முதல் முறையாக இந்த பேருந்து சேவை வழங்கப்பட்டுள்ளது. இதில் பயணம் செய்ய மக்கள் ஆர்வம் காட்டி வருகின்றனர்.