இந்தோனேஷியாவி்ல் கடும் நிலநடுக்கம்-சுனாமி எச்சரிக்கை

ஜகார்தா: இந்தோஷியாவில் இன்று காலை கடும் நிலநடுக்கம் ஏற்பட்டது. இதையடுத்து சுனாமி எச்சரிக்கை விடுக்கப்பட்டுள்ளது.

தலைநகர் ஜகார்தாவில் இருந்து சுமார் 225 கி.மீ. தொலைவில் சுண்டா ஜலசந்தி அருகே கடலுக்கடியில் சுமார் 19 கி.மீ. ஆழத்தில் இந்த நிலநடுக்கம் ஏற்பட்டது.

ரிக்டர் அளவுகோளில் 6.6 புள்ளிகளாகப் பதிவான இந்த நிலநடுக்கத்தால் மத்திய இந்தோனேஷியா முழுவதும் கட்டடங்கள் பலமாக அதிர்ந்தன. ஜகார்தாவிலும் உயரமான கட்டடங்கள் ஆடின.

இதையடு்த்து மக்கள் பீதியில் வீடுகள், கட்டங்களை விட்டு தெருக்களில் ஓடினர்.

இந்த நிலநடுக்கத்தையடுத்து சுனாமி அலைகள் ஏற்படலாம் அந் நாட்டு புவியியல் ஆய்வு மையம் எச்சரித்துள்ளது.

ஆனால், பெரிய அளவில் அலைகள் ஏதும் காணப்படவில்லை என அமெரிக்க புவியியல் மையம் தெரிவித்துள்ளது.