ஜனவரி 20ல் ஒபாமா பதவியேற்பு

வாஷிங்டன்: அமெரிக்கத் தேர்தலில் வெற்றி பெற்றுள்ள ஜனநாயகக் கட்சி வேட்பாளர் பராக் ஓபாமா வரும் ஜனவரி 20ம் தேதி பதவியேற்பார்.

அதுவரை 'கேர் டேக்கர்' அதிபராக ஜார்ஜ் புஷ் பதவியில் நீடிப்பார்.

கிட்டத்தட்ட 21 மாதமாக நடந்த தேர்தல் பிரச்சாரத்தின் முடிவில் ஒபாமாவுக்கு இந்த வெற்றி கிடைத்துள்ளது. வெள்ளை மாளிகைக்குள் நுழைய இன்னும் அவர் 2 மாதங்கள் பொறுத்திருக்க வேண்டும்.

ஒபாமாவுடன் துணை அதிபராக ஜோ பிடேன் பதவியேற்கிறார்.

குடியரசுக் கட்சியைச் சேர்ந்தவரான ஜார்ஜ் புஷ் தான் அந்தக் கட்சியின் படுதோல்விக்குக் காரணமாகக் கருதப்படுகிறார்.