இப்போதுதான் நிம்மதியாக இருக்கிறது: புஷ்

வாஷிங்டன்: அதிபர் பதவியிலிருந்து ஓய்வு பெற்றுள்ள ஜார்ஜ் புஷ், ஒபாமா பதவியேற்புக்குப் பின்னர் இப்போதுதான் நிம்மதியாக இருக்கிறது என்று பாரக் ஒபாமாவிடம் கூறியதாக தி சன் இதழ் செய்தி வெளியிட்டுள்ளது.

அமெரிக்காவின் புதிய அதிபராக பாரக் ஒபாமா நேற்று பதவியேற்றுக் கொண்டார். பதவியேற்புக்குப் பின்னர் புஷ்ஷிடம் சென்ற ஒபாமா, எப்படி உணர்கிறீர்கள் என்று கேட்டுள்ளார்.

அதற்கு புஷ், இப்போதுதான் நிம்மதியாக இருக்கிறேன் என்று கூறினாராம்.

பின்னர் வெள்ளை மாளிகை இல்லத்தை பாரக் ஒபாமாவிடம் முறைப்படி ஒப்படைத்த புஷ், இவை எல்லாம் இனி உங்களுக்குத்தான், குட் லக் என்றாராம்.

அதேபோல, ஒபாமாவின் பேச்சைத் தொடர்ந்து கூடியிருந்த லட்சக்கணக்கானோர் கைகளைத் தட்டி ஆரவாரித்துக் கொண்டிருந்தபோது ஒபாமாவின் 7வயது குட்டிப் பெண் சாஷா, தந்தையிடம் சென்று, நன்றாகப் பேசினீர்கள், பர்ஃபக்ட் என்று பாராட்டினாராம்.