அரைகுறை ஆடைகளால் தான் நிலநடுக்கம்-ஈரான் மத தலைவர்

தெஹ்ரான்: பெண்கள் அரைகுறை ஆடைகள் அணிவதாலும், பலருடன் உடலுறவு கொள்வதாலும் தான் நிலநடுக்கங்கள் ஏற்படுவதாக ஈரான நாட்டு மதத் தலைவர் ஒருவர் கூறியுள்ளார்.

அடிக்கடி பூகம்பத்தை சந்தித்து வரும் நாடுகளில் ஒன்று ஈரான்.

இந்த நிலநடுக்கங்களுக்கு ஹோஜாதோலேஸ்லாம் காசிம் செய்திகி என்ற ஈரானிய மதத் தலைவர் பெண்கள் மீது பழியைப் போட்டுள்ளார்.

அவர் கூறுகையில், பெண்கள் உடல் முழுவதையும் மறைக்கும் ஆடைகளை அணியாமல், அரைகுறை ஆடைகளை அணிவது, திருமணத்துக்கு வெளியே கண்டபடி உடலுறவு வைத்துக் கொள்வது ஆகியவை தான் நிலநடுக்கங்கள் ஏற்படக் காரணம்.

நிலநடுக்கத்தால் நாம் மண்ணில் புதைவதை தவிர்க்க வேண்டுமானால் நமது வாழ்க்கை முறையை மாற்றிக் கொள்வது ஒன்று தான் ஒரே வழி என்றார்.