ஜார்க்கண்ட் முதல்வராகப் பதவியேற்றார் அர்ஜூன் முண்டா

ராஞ்சி: ஜார்க்கண்ட் மாநில முதல்வராக இன்று பதவியேற்றுக் கொண்டார் அர்ஜூன் முண்டா. ஜார்க்கண்ட் முதல்வராக முண்டா பதவியேற்பது இது 3வது முறையாகும்.

ராஞ்சியில் இன்று நடந்த பதவியேற்பு நிகழ்ச்சியில் ஆளுநர் எம்.ஓ.எச்.பாரூக் பதவிப்பிரமாணமும், ரகசியக் காப்பு பிரமாணமும் செய்து வைத்தார்.

சிபு சோரனின் மகனும், ஜார்க்கண்ட் முக்தி மோர்ச்சா கட்சியின் சட்டசபைப் பிரிவு தலைவருமான ஹேமந்த் சோரன், அனைத்து ஜார்க்கண்ட் மாணவர் சங்கத் தலைவர் சுதேஷ் மகதோ ஆகியோரும் அமைச்சர்களாகப் பதவியேற்றுக் கொண்டார்.

பதவியேற்பு விழாவை மூத்த பாஜக தலைவர்கள் அத்வானி தலைமையில் கலந்து கொள்ளாமல் புறக்கணித்தனர்.