விஜயகாந்திடம் அடிவாங்கிய வேட்பாளர் பாஸ்கர் 4500 வாக்குகள் முன்னிலை!!

'என்னிடம் அடிவாங்கியவன் மகாராஜனாகிவிடுவான்...,' தர்மபுரி தேமுதிக வேட்பாளர் பாஸ்கரை பிரச்சாரத்தின்போது 'அடித்த' பிறகு விஜயகாந்த் சொன்னது இது.

அவர் அன்று சொன்னது காமெடியாகப் பார்க்கப்பட்டது. இன்று கிட்டத்தட்ட அது நிஜமாகவே ஆகிவிட்டது.

தர்மபுரியில் தேர்தல் பிரச்சாரம் செய்த விஜயகாந்த், தனது கட்சி வேட்பாளர் பெயரை தவறுதலாக பாண்டியன் என்று கூறிவிட்டார். உடனே அருகில் இருந்த வேட்பாளர் தன் பெயர் பாஸ்கர் என்று கூற, வேனிலேயே அவரை ஓங்கி அடித்தார். இதை பெரிய அளவில் பிரச்சாரமாக்கி விஜயகாந்தை கிண்டலடித்தார் வடிவேலு.

பின்னர், தான் அடித்ததை நியாயப்படுத்திய விஜயகாந்த், "என் ஆளைத்தானே அடிச்சேன். இதில் மற்றவர்களுக்கென்ன... என்கிட்ட அடிவாங்கினவன் மகாராஜனாகிவிடுவான்", என்றார்.

இப்போது அந்த வேட்பாளருக்கு மகாராஜனாகும் யோகம் வந்துவிட்டது. தர்மபுரி தொகுதியில் 4500 வாக்குகள் அதிகம் பெற்று முன்னிலையில் உள்ளார் பாஸ்கர்!

English summary

Baskar, the DMDK candidate for Dharmapuri constituency who beaten by his party president Vijayakanth during campaign is leading with 4500 votes.