ஐரோப்பாவைத் தாக்கும் திட்டத்தை 'சீன்' படத்துக்குள் ஒளித்து அனுப்பிய அல் கொய்தா!
வாஷிங்டன்: ஐரோப்பாவில் தனது தாக்குதல் திட்டத்தை ஆபாசப் படம் ஒன்றுக்குள் மறைத்து அல்கொய்தா அனுப்பிய விவரம் வெளியாகியுள்ளது.
மும்பையில் 2008ம் ஆண்டு நடத்திய தீவிரவாதத் தாக்குதலைப் போல ஐரோப்பிய நாடுகளில் தாக்குதல் சம்பவங்களை அரங்கேற்ற அல் கொய்தா அமைப்பு திட்டமிட்டுள்ளது. இதற்கான திட்ட விவரங்களை ஒரு ஆபாசப் படத்தில், எம்பெட் செய்து, அதை மெமரி டிஸ்க்கில் வைத்து அனுப்பியுள்ளனர். இது ஜெர்மன், ஆங்கிலம், அரபி ஆகிய மொழிகளில் பிடிஎப் பார்மட்டில் அனுப்பப்பட்டுள்ளது.
இதை அமெரிக்க உளவுப் பிரிவினர் கண்டறிந்து சதித் திட்டத்தை முறியடித்துள்ளனர்.இதுகுறித்து முதன் முதலில் ஜெர்மன் நாட்டைச் சேர்ந்த டை ஜெய்ட் என்ற செய்தித்தாள்தான் வெளியிட்டது. பெர்லினில் கடந்த ஆண்டு கைதான அல்கொய்தா நபர் மூலம்தான் இது தெரிய வந்தது.
கைது செய்யப்பட்ட நபரான 22 வயது ஆஸ்திரிய நபரான மக்சூத் லோடின் மூலம் இத்தகவலை அதிகாரிகள் பெற்றுள்ளனர். இந்த மெமரி டிஸ்க்கை லோடினின் ஜட்டியிலிருந்து அதிகாரிகள் கைப்பற்றினர் என்பது குறிப்பிடத்தக்கது.
இந்த மெமரி டிஸ்க்கைப் போட்டுப் பார்த்தபோது அது கிக் ஆஸ் என்ற பெயரிலான ஒரு ஆபாசப் படம் என்று தெரிய வந்தது. அதேபோல செக்ஸி டாஞ்சா என்ற பெயரிலும் ஒரு ஆபாசப் படம் இருந்தது. ஆனால் அந்த மெமரி டிஸ்க்கை ஆராய்ந்தபோதுதான் அதில் ஐரோப்பிய நாடுகளில் நடத்தத் திட்டமிடப்பட்டிருந்த விவரங்கள் ஒளிந்திருந்ததை அதிகாரிகள் கண்டுபிடித்து அதிர்ந்தனர்.
அந்த மெமரி டிஸ்க்கில் மொத்தம் 100 அல் கொய்தா ஆவணங்கள் பொதிந்திருந்தன. இதுகுறித்து மேலும் விரிவான விசாரணை நடந்து வருகிறது.
Click it and Unblock the Notifications
Sign in with Google