காங்கிரசுடன் இணையப் போவதில்லை- புதிய கட்சிதான் - நவ.19ல் அதிகாரப்பூர்வ அறிவிப்பு: எதியூரப்பா

By Mathi

Updated: Thursday, October 4, 2012, 14:05 [IST]

Subscribe to Oneindia Tamil

சிக்மகளூர்: காங்கிரஸ் உட்பட எந்த ஒரு கட்சியிலும் இணையப்போவதில்லை என்றும் புதிய கட்சி தொடங்குவது பற்றி நவம்பர் 19-ந் தேதியன்று அதிகாரப்பூர்வமாக அறிவிப்பு வெளியிடப்படும் என்றும் முன்னாள் முதல்வர் எதியூரப்பா கூறியுள்ளார்.

சிக்மகளூரில் சுற்றுப் பயணம் மேற்கொண்டு பாஜக நிர்வாகிகளை சந்தித்து வரும் எதியூரப்பா செய்தியாளர்களிடம் கூறியதாவது:

புதிய கட்சி தொடங்குவதில் நான் உறுதியாக இருக்கிறேன். நவம்பர் மாதம் 19-ந் தேதி இதற்கான அதிகாரப்பூர்வ அறிவிப்பை வெளியிட இருக்கிறேன். காவிரி நதிநீர் விவகாரத்தில் தீர்வு ஏற்பட்டு மாநிலத்தில் அமைதி உருவாக வேண்டும்.

கட்சி தொடங்குவதற்கு முன்பாக நவம்பர் 16-ந் தேதியன்று தாவணகெரேவில் மாநாடு நடத்த ஆலோசனை நடத்தி வருகிறேன். என்னைப் பொறுத்தவரையில் எந்த கட்சியுடனும் இணையமாட்டேன். யாரோடும் கை கோர்க்க மாட்டேன். பாரதிய ஜனதா கட்சியின் மேலிடத் தலைவர்களை சந்திப்பதற்கு ஒன்றுமே இல்லை என்றார் அவர்.