கல்யாணம் ஆயிருச்சா?: உங்களுக்கு கார் இன்சூரன்ஸ் பிரீமியம் கம்மி!!!

பெங்களூர்: திருமணமானவர்கள் கார் இன்சுரன்ஸுக்கான பிரீமியத்தை பிறரை விட குறைவாக கட்டினால் போதுமாம்.

கார் வாங்கினால் கையோடு அதை இன்சூர் செய்துவிடுகிறோம். அவ்வாறு கார் இன்சுரன்ஸ் எடுக்கையில் என்ஜின் கெபாசிட்டி, டீசலா பெட்ரோலா என்பது உள்ளிட்டவற்றை பொருத்து பிரீமியம் முடிவு செய்யப்பட்டும். டாக்டர்கள், சாப்ட்வேர் ஊழியர்கள் உள்ளிட்டோர் குறைந்த பிரீமியம் கட்டினால் போதுமாம்.

காரை திறந்வெளியில் நிறுத்தாமல், மேற்கூரையுள்ள இடத்தில் நிறுத்தினாலும், அதை அதிகம் பயன்படுத்தாமல் இருந்தாலும் நீங்கள் குறைவான பிரீமியம் கட்டினால் போதும். அண்மை காலமாக கார் இன்சுரன்ஸ் அடியாவதால் தான் இத்தனை சலுகைகளை அறிவித்து வாடிக்கையாளர்களின் கவனத்தை ஈர்க்கிறார்கள்.

நீங்கள் டாக்டரா?

டாக்டர்கள், சாப்ட்வேர் ஊழியர்கள் உள்ளிட்டோருக்கு பிரீமியம் கட்டுவதில் சலுகை அளிக்கிறது இன்சுரன்ஸ் நிறுவனங்கள். ஆன்லைனில் பாலிசி எடுத்திருந்தால் 5 முதல் 7 சதவீதம் வரை சலுகை கிடைக்கும்.

திருமணமானால் சலுகை

திருமணமாகி இருந்தால் கூட பிரீமியத்தில் சலுகை கிடைக்கிறது. 32 வயது முதல் 60 வயது வரை உள்ள திருமணமானவர்களுக்கு இந்த சலுகை அளிக்கப்படுகிறது. திருமணமானவர்கள் பொறுப்பாக கார் ஓட்டுவதுடன் அதை நன்றாக வைத்துக் கொள்வார்களாம். அதனால் தான் அவர்களுக்கு சிறப்பு சலுகை.

பர்ஸனல் விவரங்களை தெரிவித்தால் 5-7 சதவீத சலுகை

சில நிறுவனங்கள் கார் இன்சுரன்ஸ் எடுக்கையில் பர்ஸனல் விவரங்களை விண்ணப்பத்தில் குறிப்பிட்டிருந்தால் பிரீமியத்தில் சலுகை அளிக்கின்றன. உதாரணமாக பஜாஜ் அல்லையன்ஸ் மோட்டார் பாலிசீக்களை விற்கும் பெர்க்ஷயர் இன்சுரன்ஸ் பாலிசிதாரர்கள் தங்கள் பர்ஸனல் தகவல்களை அளித்தால் பிரீமியத்தில் 5 சதவீதம் சலுகை அளிக்கிறது.

English summary

If you are married and aged between 32-60, then you will get a discount in the car insurance premium. Similar discount will be given to doctors, software professionls and to those who do desk jobs.