திடீர் என்று ஆபரணத் தங்கத்தின் விலை சவரனுக்கு ரூ.544 அதிகரிப்பு

சென்னை: சென்னையில் ஆபரணத் தங்கத்தின் விலை நேற்று சவரனுக்கு ரூ. 304 குறைந்த நிலையில் இன்று சவரனுக்கு ரூ.544 அதிகரித்துள்ளது.

தங்கத்தின் விலை கடந்த மாதம் ஒரேயடியாக சவரனுக்கு ரூ.1,600 குறைந்தது. இதனால் மக்கள் மகிழ்ச்சி அடைந்து நகைக்கடைகளில் வரிசையில் நின்று தங்கம் வாங்கினர். சிலர் தங்கத்தின் விலை மேலும் குறையட்டும் என்று காத்திருந்தனர். அவர்களின் காத்திருப்பு வீண் போகவில்லை.

கடந்த 15ம் தேதி 10 கிராம் தங்கத்தின் விலை ரூ.600 குறைந்து ரூ.27,300க்கு விற்பனை செய்யப்பட்டது. மறுநாள் அதாவது 16ம் தேதி 10 கிராம் தங்கத்தின் விலை ரூ.500 குறைந்து ரூ. 26,800க்கு விற்பனை செய்யப்பட்டது. இந்நிலையில் சென்னையில் நேற்று ஆபரணத் தங்கத்தின் விலை சவரனுக்கு ரூ.304 குறைந்தது.

ஒரு சவரனின் விலை ஒரே நாளில் இவ்வளவு குறைந்துள்ளதே என்று நினைக்கையில் சென்னையில் இன்று ஆபரணத் தங்கத்தின் விலை சவரனுக்கு ரூ.544 அதிகரித்துள்ளது. ஒரு கிராம் தங்கம் ரூ. 2,514க்கும், ஒரு சவரன் ரூ. 20,112க்கும் விற்பனை செய்யப்படுகிறது. நேற்று ரூ.44,485க்கு விற்ற ஒரு கிலோ வெள்ளி இன்று ரூ.43,610க்கு விற்பனை செய்யப்படுகிறது.

English summary

Gold price seems to be highly unstable. Gold price which decreased by Rs. 304 for a sovereign on monday costs Rs.544 more today in Chennai.