Ajithkumar: "மை டியர் தளபதி".. விஜய்க்கு வாழ்த்து சொன்ன அஜித்

சென்னை: சட்டமன்ற தேர்தல் முடிவுகள் இன்று வெளியாகின. இதில் தவெக பெரும்பான்மை தொகுதிகளில் வெற்றி பெற்றுள்ளது. திமுக இரண்டாவது இடத்தையும், அதிமுக மூன்றாவது இடத்தையும் பிடித்துள்ளது. விஜய் அவர் போட்டியிட்ட இரண்டு பெரம்பூர், திருச்சி கிழக்கு ஆகிய 2 தொகுதிகளிலும் வெற்றி பெற்றுள்ளார். விஜய்க்கு பல்வேறு தரப்பில் இருந்து வாழ்த்துகள் குவிந்து வருகின்றன. இந்நிலையில் விஜய்க்கு, அஜித் செல்போனில் வாழ்த்து கூறியுள்ளார்.

தமிழ்நாடு சட்டமன்ற தேர்தலுக்கான வாக்குப்பதிவு ஏப்ரல் 23 ஆம் தேதி நடைபெற்றது. இதற்கான வாக்குகள் இன்று எண்ணப்பட்டு முடிவுகள் அறிவிக்கப்பட்டன. ஆட்சியை தக்க வைப்பதற்கு திமுக கூட்டணியும், ஆட்சியை பிடிப்பதற்கு அதிமுகவும் போராடினர். தவெக மற்றும் நாம் தமிழர் கட்சிகளும் களத்தில் வேகம் காட்டினார்கள். தேர்தல் முடிவுகளில் திமுக, அதிமுகவை பின்னுக்கு தள்ளி தவெக அதிக தொகுதிகளில் வெற்றி பெற்றுள்ளது.

தவெக வேட்பாளர்கள் 100க்கும் மேற்பட்ட தொகுதிகளில் முன்னலை வகிக்கிறது. திமுக தலைவர் மு.க. ஸ்டாலின் மற்றும் பல முன்னாள் அமைச்சர்க்ள அதிர்ச்சி தோல்வியடைந்துள்ளனர். விஜய்க்கு பல்வேறு தரப்பில் இருந்து வாழ்த்துகள் குவிந்து வருகின்றன. பிரதமர் நரேந்திர மோடி, நாடாளுமன்ற எதிர்க்கட்சி தலைவர் ராகுல் காந்தி, ஆந்திரா முதல்வர் சந்திரபாபு நாயுடு, மநீம தலைவர் கமல்ஹாசன் உள்ளிட்ட தலைவர்கள் வாழ்த்து கூறியுள்ளனர்.

புதிதாக அமையவுள்ள அரசுக்கு வாழ்த்து என்று திமுக இளைஞரணி செயலாளர் உதயநிதி கூறியுள்ளார். திரைத்துறையில் இருந்தும் பல பிரபலங்கள் விஜய்க்கு வாழ்த்து கூறி வருகிறார்கள். ஏ.ஆர். ரஹ்மான், யுவன் ஷங்கர் ராஜா, சிவகார்த்திகேயன், ராஷ்மிகா மந்தனா உள்ளிட்டோர் வாழ்த்து தெரிவித்துள்ளனர். அந்த வரிசையில் நடிகர் அஜித்குமார் செல்போன் மூலம் விஜய்க்கு வாழ்த்து தெரிவித்துள்ளார்.

இருவரும் செல்போனில் உற்சாகமாக பேசியுள்ளனர். சினிமாவில் விஜய், அஜித் இடையே தான் போட்டி நிலவும். விஜய் அரசியலுக்கு வந்துள்ளதால் அதிமுக, பாஜக, திமுக தரப்பில் அஜித் ரசிகர்களின் வாக்குகளை கவர்வதற்கு முயற்சி செய்தனர். ஆனால் அது நடைபெறவில்லை. சினிமாவில் போட்டியை கடந்து விஜய், அஜித் நட்புணர்வுடன் பழகுவார்கள்.

அதேபோல விஜய் வெற்றி பெற்றதும் அஜித் உடனடியாக செல்போனில் தொடர்பு கொண்டு வாழ்த்து கூறியிருப்பது இரண்டு ரசிகர்களிடையேயும் நெகிழ்ச்சியை ஏற்படுத்தியுள்ளது.

English summary

Ajithkumar: TVK marked big win in the assembly election. Actor Ajithkumar wished Vijay over the phone call.