ஒரே இடத்தில் அசெம்பிள் ஆன முதல்வர் வேட்பாளர்கள்.. தேர்தல் ரிசல்ட் நாளில் பெரும் எதிர்பார்ப்பு!

சென்னை: நாளை தமிழக சட்டசபை தேர்தல் முடிவுகள் வெளியாக உள்ள நிலையில், முதலமைச்சர் ஸ்டாலின், எடப்பாடி பழனிசாமி, விஜய், சீமான் ஆகிய முதலமைச்சர் வேட்பாளர்கள் நால்வருமே தலைநகரில் உள்ளனர். நால்வரும் தமிழகத்தின் வெவ்வேறு தொகுதிகளில் போட்டியிடும் நிலையில், வாக்குபதிவன்று நால்வருமே ஒரே இடத்தில் இருக்கின்றனர்.

தேர்தல் வாக்குப்பதிவு நிறைவடைந்ததும், கொடைக்கானல் சென்றிருந்த தமிழக முதலமைச்சர் ஸ்டாலின் தற்போது சென்னையில் உள்ளார். அவர் இன்று இரவு கலைஞர் கருணாநிதி நினைவிடத்தில் மரியாதை செலுத்தினார். சேலத்தில் இருந்துவந்த அதிமுக பொதுச் செயலாளர் எடப்பாடி பழனிசாமி சென்னை திரும்பி உள்ளார்.

தவெக தலைவர் விஜய், பெரம்பூர், திருச்சி கிழக்கு ஆகிய தொகுதிகளில் போட்டியிடும் நிலையில், தனது வீடு இருக்கும் நீலாங்கரை மற்றும் பனையூருக்கு விசிட் அடித்தவாறேஉள்ளார். நாம் தமிழர் கட்சியின் தலைமை ஒருங்கிணைப்பாளர் சீமான், இந்த முறை காரைக்குடி தொகுதியில் போட்டியிடும் நிலையில், வாக்கு எண்ணிக்கை நாளில் அவர் சென்னை வீட்டில் இருக்கிறார்.

முக ஸ்டாலின்

முதலமைச்சர் மு.க. ஸ்டாலின் போட்டியிடும் கொளத்தூர் தொகுதியில் 86.12% வாக்குகள் பதிவாகியுள்ளது.

மு.க. ஸ்டாலின்- திமுக
சந்தானகிருஷ்ணன்- அதிமுக
வி.எஸ்.பாபு- தவெக
சவுந்தரபாண்டியன்- நாம் தமிழர் கட்சி

எடப்பாடி பழனிசாமி

அதிமுக பொதுச் செயலாளர் எடப்பாடி பழனிசாமி போட்டியிடும் எடப்பாடி தொகுதியில் 92.08% வாக்குகள் பதிவாகியுள்ளது.

எடப்பாடி பழனிசாமி - அதிமுக
காசி - திமுக
பிரேம்குமார் (தவெக ஆதரவு சுயேட்சை வேட்பாளர்)
பிரியதர்ஷினி - நாம் தமிழர் கட்சி

விஜய்

தவெக தலைவர் விஜய் போட்டியிடும் பெரம்பூர் தொகுதியில் 89.74% வாக்குகள் பதிவாகியுள்ளன.

சி. ஜோசப் விஜய் - தவெக
ஆர்.டி.சேகர் - திமுக
திலகபாமா - பாமக
வெற்றித்தமிழன் - நாம் தமிழர்

தவெக தலைவர் விஜய் போட்டியிடும் மற்றொரு தொகுதியான திருச்சி கிழக்கில் 81.77% வாக்குகள் பதிவாகியுள்ளன.

சி. ஜோசப் விஜய் - தவெக
இனிகோ இருதயராஜ் - திமுக
ராஜசேகரன் - அதிமுக
கிருஷ்ணசாமி - நாம் தமிழர் கட்சி

சீமான்

நாதக ஒருங்கிணைப்பாளர் சீமான் போட்டியிடும் காரைக்குடி தொகுதியில் 74.20% வாக்குகள் பதிவாகியுள்ளன.

சீமான் - நாம் தமிழர் கட்சி
மாங்குடி - காங்கிரஸ்
தேர்போகி பாண்டி - அமமுக
பிரபு - தவெக

English summary

With the results of the Tamil Nadu Assembly elections set to be announced tomorrow, all four Chief Ministerial candidates— MK Stalin, Edappadi Palaniswami, Vijay, and Seeman - are currently in the capital city Chennai. Although the four are contesting from different constituencies, all of them are present in Chennai on this day of vote counting.