இன்று மாலை திமுக எம்.எல்.ஏக்கள் கூட்டம்... பட்ஜெட், கூட்டணி குறித்து விவாதிக்க வாய்ப்பு
சென்னை: திமுக எம்.எல்.ஏக்கள் கூட்டம் (பிப்.,08) இன்று மாலை 5 மணிக்கு அக்கட்சியின் தலைவர் மு.க.ஸ்டாலின் தலைமையில் நடைபெறுகிறது.
சட்டப்பேரவையில் இன்று பட்ஜெட் தாக்கல் செய்யப்பட்ட பின்னர், திமுக தலைமை அலுவலகமான அண்ணா அறிவாலயத்தில் இன்று திமுக எம்.எல்.ஏக்கள் கூட்டம் நடைபெற உள்ளது.
இதில், நாடாளுமன்றத் தேர்தல் குறித்தும், கூட்டணி தொடர்பாகவும் விவாதிக்கப்படும் என்று தகவல் வெளியாகியுள்ளது.
இதற்கிடையே, நாடாளுமன்ற தேர்தலில் திமுக கூட்டணியில் உள்ள காங்கிரஸ் கட்சிக்கு 8 இடங்கள் ஒதுக்கப்படலாம் என்றும் தகவல் வெளியாகியுள்ளது. மேலும் சட்டசபை கூட்டத்தொடர் குறித்தும், தமிழக அரசின் பட்ஜெட் குறித்தும் இன்றைய கூட்டத்தில் விவாதிக்கப்பட உள்ளதாகவும் கூறப்படுகிறது.
அதே நேரம், மக்களவைத் தேர்தல் நெருங்கி வரும் நிலையில், மறுபுறம் அதிமுக மாவட்டச் செயலாளர்கள் கூட்டம் இன்று மாலை 4.30 மணிக்கு ராயப்பேட்டையில் உள்ள அதிமுக தலைமை அலுவலகத்தில் நடைபெற உள்ளது.
Click it and Unblock the Notifications
Sign in with Google