டோன்ட் கோ பேக் மோடி.. புதிய ஆயுதத்தை கையில் எடுத்த பாஜக.. தேசிய அளவில் டிரெண்ட்.. பதிலுக்கு பதில்!

பிரதமர் மோடி தமிழகத்தை விட்டு செல்ல கூடாது அவர் இங்கேயே இருக்க வேண்டும் என்று கூறி டோன்ட் கோ பேக் மோடி என்ற டேக் #DontGoBackModi டிரெண்டாகி வருகிறது.

Published: Saturday, October 12, 2019, 14:00 [IST]

Subscribe to Oneindia Tamil

Recommended Video

#gobackmodi trends on twitter | மோடிக்கு எதிராக வைரலாகும் 3 ஹேஷ்டேக்

சென்னை: பிரதமர் மோடி தமிழகத்தை விட்டு செல்ல கூடாது அவர் இங்கேயே இருக்க வேண்டும் என்று கூறி டோன்ட் கோ பேக் மோடி என்ற டேக் (#DontGoBackModi) டிரெண்டாகி வருகிறது.

சீன நாட்டின் அதிபர் ஜி ஜின்பிங் நேற்று தமிழகம் வந்தார். நேற்று மாமல்லபுரம் சென்ற அவர் பிரதமர் மோடியை சந்தித்து ஆலோசனை நடத்தினார்.இன்று கோவளத்தில் இதேபோல் ஆலோசனை கூட்டம் நடைபெற்றது.

இந்த நிலையில் பிரதமர் மோடியின் வருகைக்கு எதிராக கோ பேக் மோடி டேக் தேசிய அளவில் வைரலாக நேற்று டிரெண்டானது.

டிரெண்ட் செய்தனர்

மொத்த்தம் மூன்று மொழியில் மோடிக்கு எதிராக தமிழக மக்கள் பலர் டிரெண்ட் செய்தனர். சீன மொழியிலும் #回到莫迪 என்ற டேக் பிரதமர் மோடிக்கு எதிராக டிரெண்டானது. இது இல்லாமல் சீன அதிபர் ஜி ஜின்பிங்கை வரவேற்கும் வகையில் #TamilNadu_welcomes_XiJinping என்று டேக் டிவிட்டரில் டிரெண்டானது. தமிழகம் வரும் சீன அதிபருக்கு புரிய வேண்டும் என்பதற்காக தற்போது சீன மொழியிலும் தமிழர்கள் டிரெண்ட் செய்தனர்.

பதில்

இந்த நிலையில் பிரதமர் மோடி தமிழகத்தை விட்டு செல்ல கூடாது அவர் இங்கேயே இருக்க வேண்டும் என்று கூறி டோன்ட் கோ பேக் மோடி என்ற டேக் (#DontGoBackModi) டிரெண்டாகி வருகிறது. தமிழக பாஜக சார்பாக இந்த டேக் உருவாக்கப்பட்டுள்ளது. இதில் பாஜகவினர் பலர் டிவிட் செய்து வருகிறார்கள்.

யார் எல்லாம்

தமிழர்களால் மட்டுமில்லாமல் வடமாநிலங்களில் இருக்கும் பலரும் இதில் டிவிட் செய்து வருகிறார்கள்.இதில் தற்போது 12 ஆயிரம் டிவிட்டுகள் வரைய போடப்பட்டுள்ளது குறிப்பிடத்தக்கது.

என்ன சொல்கிறார்கள்

கோவளம் பீச்சை பிரதமர் மோடி சுத்தம் செய்தது இணையம் முழுக்க வைரலாகி உள்ளது. இந்த டேக்கின் கீழே பலர் இந்த புகைப்படத்தை பகிர்ந்து வருகிறார்கள். வடஇந்தியாவை சேர்ந்த பலர் தமிழகம் கொடுத்து வைத்த மாநிலம் என்று இதில் புகழ்ந்துள்ளனர்.

தேசிய அளவு

தற்போது இந்த டேக் தேசிய அளவில் டிரெண்டாகி வருகிறது. வரிசையாக இதில் பலர் டிவிட் செய்து மோடியை பாராட்டி வருகிறார்கள். சீனாவுடன் இந்தியா நெருக்கமாகிவிட்டது என்று பலர் டிவிட் செய்துள்ளனர்.

Published On October 12, 2019