திமுக நடத்திய சட்டப்போராட்டம்.. வடக்கிலிருந்து தெற்கு வரை ஸ்டாலினுக்கு நீளும் வாழ்த்து!

சென்னை: திமுக நடத்திய சட்டப் போராட்டத்தின் விளைவாக மருத்துவ படிப்பில் ஓபிசி மாணவர்களுக்கு 27 சதவீதம் இடஒதுக்கீடு கிடைத்துள்ளது என முதல்வர் ஸ்டாலினை டாக்டர் மகேந்திரன் பாராட்டியுள்ளார்.

இதுகுறித்து டாக்டர் மகேந்திரன் தனது ட்விட்டர் பக்கத்தில் கூறுகையில், திமுக நடத்திய சட்டப்போராட்டத்தின் விளைவாக மருத்துவப் படிப்பில் OBC மாணவர்களுக்கு 27% இடஒதுக்கீடு-அன்று தமிழ்நாட்டிற்கான சமூக நீதி காத்தார் கலைஞர்.

இன்று ஒட்டுமொத்த இந்தியாவிற்கே சமூக நீதிக்கு அரணாய் நின்றிருக்கிறார் தலைவர் @mkstalin என வடக்கில் இருந்து தெற்கு வரை வாழ்த்து நீள்கிறது.

ஓபிசி இடஒதுக்கீடு

ஓபிசி இடஒதுக்கீடு விவகாரத்தில் திமுக மேற்கொண்ட தொடர் முயற்சிகள் பின்வருமாறு:

• 26.07.2019- ஓபிசி இடஒதுக்கீடு குறித்து மாநிலங்களவையில் பி வில்சன் எம்பி பேச்சு
• 1.11.2019- ஓபிசி இடஒதுக்கீடு தொடர்பாக மத்திய சுகாதாரத் துறை அமைச்சராக இருந்த ஹர்ஷவர்தனுக்கு கடிதம்
• 21.11.2019- ஓபிசி இடஒதுக்கீடு குறித்து விவாதிக்க திமுக சார்பில் ஒத்திவைப்பு தீர்மான நோட்டீஸ்
• 22.11.2019- எம்பிபிஎஸ் ஓபிசி இடஒதுக்கீடு: மோடி வெள்ளை அறிக்கை வெளியிட திமுக தலைவர் மு.க.ஸ்டாலின் வலியுறுத்தல்.

எம்பி வில்சன் பேச்சு

• 6.12.2019- ஓபிசி இடஒதுக்கீடு பிரச்சினை குறித்து மாநிலங்களவையில் பி வில்சன் எம்பி பேச்சு
• 9.12.2019- ஓபிசி இடஒதுக்கீடு பிரச்சினை குறித்து மாநிலங்களவையில் திருச்சி சிவா எம்பி பேச்சு
• 6.1.2020- ஓபிசி இடஒதுக்கீடு பிரச்சினை தொடர்பான கடிதத்துடன் மத்திய சுகாதாரத் துறை அமைச்சராக இருந்த ஹர்ஷவர்தனை திமுக மாநிலங்களவை உறுப்பினர் பி வில்சன் நேரில் சந்திப்பு
• 15.5.2020- ஓபிசி இடஒதுக்கீடு விவகாரத்தில் மத்திய அரசு சரியான பதில் அளிக்கவில்லை என்று திமுக தலைவர் மு.க.ஸ்டாலின் கண்டன அறிக்கை.

சமூக நீதி இல்லை

• 27.5.2020- மருத்துவப் படிப்பில் சமூகநீதி பின்பற்றப்படவில்லை என்பதை சுட்டிக் காட்டி திமுக தலைவர் கண்டனம்.
• 28.5.2020- அகில இந்திய மருத்துவப் படிப்பில் ஓபிசி இடஒதுக்கீடு பின்பற்றவில்லை என உச்சநீதிமன்றத்தை நாடியது திமுக.
• 31.08.2019- மருத்துவப் படிப்புகளில் ஓபிசி இடஒதுக்கீட்டை உள்நோக்கத்துடன் மறுத்துவரும் மத்திய அரசைக் கண்டித்து காணொலியில் நசைபெற்ற அனைத்துக் கட்சி கூட்டத்தில் கண்டனம் தீர்மானம் நிறைவேற்றம்.
• 12.06.2020- ஓபிசி இடஒதுக்கீடு தொடர்பான வழக்கில் திமுக வழக்கறிஞர் பி வில்சன் உச்சநீதிமன்றத்தில் தனது வாதத்தை எடுத்து வைத்தார். இதில் உயர்நீதிமன்றத்தை நாடுமாறு நீதிபதிகள் தீர்ப்பளித்தனர்.

ஹைகோர்ட்டில் திமுக வழக்கு

• 11.6.2020- சென்னை உயர்நீதிமன்றத்தில் திமுக வழக்கு
• 19.6.2020- மருத்துவ மாணவர் சேர்க்கையில் ஓபிசி மாணவர்களுக்கு 97 சதவீதம் இடஒதுக்கீடு வழங்குவதாக உயர்நீதிமன்றத்தில் மத்திய அரசு தெரிவித்துள்ளது.
• 19.6.2020- இது முதல்கட்ட வெற்றியே. ஓபிசி மாணவர்களுக்கு 50 சதவீத இடஒதுக்கீடு பெற திமுக தொடர்ந்து போராடும்- தலைவர் மு.க.ஸ்டாலின்.

English summary

Dr Mahendran praises MK Stalin for 27 % OBC reservation in Medical admission and he has also given a timeline.