தமிழ்நாடு அறிவியல் தொழில்நுட்ப மன்றத்தின் உறுப்பினர் செயலராக டாக்டர் வின்சென்ட் நியமனம்! யார் இவர்?

சென்னை: தமிழ்நாடு அறிவியல் தொழில்நுட்ப மன்றத்தின் உறுப்பினர் செயலராக சென்னை லயோலா கல்லூரியின் முன்னாள் டீன் சா. வின்சென்ட் நியமனம் செய்யப்பட்டுள்ளார். இவர் தமிழ்நாடு அரசின் சிறந்த விஞ்ஞானி பட்டம் பெற்றவர். ஏற்கனவே திமுக ஆட்சி காலத்தில் தமிழ்நாடு அறிவியல் தொழில்நுட்ப மன்றத்தின் உறுப்பினர் செயலராக செயல்பட்டவர்.

சென்னை லயோலா கல்லூரியில் ஆராய்ச்சிப் பிரிவில் டீனாக பணியாற்றிய முனைவர் சா.வின்செண்ட், தற்போது சென்னை சவீதா இன்ஸ்டிடியூட் ஆப் மெடிக்கல் அண்ட் டெக்னிக்கல் சயின்சஸ் நிறுவனத்தில் புகழ்பெற்ற துணைப் பேராசிரியராகப் பணியாற்றுகிறார்.

டாக்டர் வின்சென்ட் 2007-2011 ஆம் ஆண்டு காலகட்டத்தில் தமிழ்நாடு அறிவியல் மற்றும் தொழில்நுட்பத்திற்கான தமிழ்நாடு மாநில கவுன்சிலில் உறுப்பினர் செயலராகப் பணியாற்றினார். மேலும் தமிழ்நாட்டின் அறிவியல் மற்றும் தொழில்நுட்பக் கொள்கையை வளர்ப்பதில் முக்கியப் பங்காற்றினார்.

10 பேர் கொண்ட "யானை குழுவில்" பணிக்குழு உறுப்பினராக பணியாற்றியுள்ளார் வின்சென்ட். யானைகள் வழித்தடத்தின் 15 க்கும் மேற்பட்ட மாநிலங்களுக்குச் சென்று யானை பாதுகாப்பு உத்தி பற்றிய 3 "கஜா" அறிக்கையைத் தொகுத்தார், இது நாடாளுமன்றத்தால் அங்கீகரிக்கப்பட்டது.

6 வருடங்கள் 'யானை கமிட்டி' திட்டத்தில் உறுப்பினராகவும் பணியாற்றினார். அவர் 2015 இல் உயிரியலில் சிறந்த பங்களிப்பிற்காக தமிழ்நாடு விஞ்ஞானி விருது, தமிழ்நாடு மூத்த விஞ்ஞானி விருது-2018 மற்றும் சுற்றுச்சூழல் விழிப்புணர்வு மற்றும் பாதுகாப்புக்கான அவரது சிறந்த பங்களிப்புகளுக்காக தமிழ்நாடு அரசால் வழங்கப்பட்ட 2012 இல் சுற்றுச்சூழல் விருது ஆகியவற்றைப் பெற்றுள்ளார்.

2002ல் முனைவர் வின்செண்ட் மேற்கொண்ட மழை நீர் வடிகால் வாய்க்காலை பற்றிய ஆராய்ச்சிகள் முக்கியத்துவம் வாய்ந்ததாக கருதப்படுகிறது. நம் நாட்டின் புகழ்பெற்ற அறிவியல் அமைப்பான தேசிய அறிவியல் அகாடமியின் (NASI) உறுப்பினராகவும் தேர்ந்தெடுக்கப்பட்டவர் வின்சென்ட்.

English summary

Loyola College Former Dean S Vincent has been appointed as the Member Secretary of Tamil Nadu State Council for Science and Technology. He is a Tamil Nadu Govt Best Scientist Awardee.