விஜய் பற்றி எடப்பாடி எடுத்த சீக்ரெட் சர்வே.. மொத்தமாக சோலி முடிஞ்சது.. அப்போ தவெக? அடப்போங்க

Updated: Sunday, November 2, 2025, 7:16 [IST]

Subscribe to Oneindia Tamil

சென்னை: நடிகர் விஜயின் தமிழக வெற்றிக் கழகத்துடன் கூட்டணி அமைப்பது குறித்து எடப்பாடி கே. பழனிசாமி மறுபரிசீலனை செய்து வருவதாக தகவல்கள் தெரிவிக்கின்றன. அதாவது விஜயுடன் கூட்டணி வேண்டாம் என்ற நிலைப்பாட்டை நோக்கி அவர் நகர்ந்து வருவதாக கூறப்படுகிறது. அவர் தனியார் அமைப்பு மூலம் நடத்திய கருத்துக்கணிப்புகள் தவெக கட்சிக்கு குறைந்த வாக்காளர் ஆதரவு இருப்பதை காட்டுவதால் இந்த முடிவு எடுக்கப்பட்டுள்ளதாக கூறப்படுகிறது.

அதிமுகவிற்கு நெருக்கமான வட்டாரங்கள், தவெக உடன் கூட்டணி அமைப்பது வாக்கு சதவீதத்தை அதிகரிக்க வாய்ப்பில்லை எனவும், அரசியல் ரீதியாக எந்த நன்மையையும் அளிக்காது எனவும் இபிஎஸ் கருதுவதாக தெரிவிக்கின்றன. இதனால், இபிஎஸ் கூட்டணி முடிவை கைவிட்டுள்ளார் என்று கூறப்படுகிறது.

அதிமுகவின் வியூகம்

அதிமுக, தனது பாரம்பரிய வாக்கு வங்கிகளை மீட்டெடுப்பதில் கவனம் செலுத்தி வருகிறது. பூத் நிலை ஊழியர்களை வலுப்படுத்துவது மற்றும் திமுகவிற்கு மாற்றாக கட்சியை நிலைநிறுத்துவது ஆகியவற்றில் முக்கியத்துவம் கொடுக்கிறது. இபிஎஸ், கட்சியின் தனித்த பலத்தை நிலைநிறுத்துவதிலும் உறுதியாக உள்ளார்.

நடிகர் விஜயின் புகழ் தமிழ்நாடு முழுவதும் உள்ள அவரது ரசிகர்களின் ஆதரவால் ஆரம்பத்தில் கவனத்தை ஈர்த்தது. இருப்பினும், கட்சி இன்னும் அதன் அமைப்புக் கட்டமைப்பையும் அடிமட்ட இருப்பையும் கட்டியெழுப்பி வருகிறது. அடிமட்ட அளவிற்கு கட்சிக்கு பெரிய ஆதரவு இல்லை. இதனால் தவெக வேண்டாம் என்ற நிலைப்பாட்டில் எடப்பாடி பழனிசாமி இருக்கிறாராம்.

அதிமுக, தவெக மற்றும் பாஜக ஆகிய மூன்று கட்சிகள் அடங்கிய கூட்டணி குறித்த சாத்தியக்கூறுகளும் எடப்பாடி நடத்திய சர்வேயில் மதிப்பீடு செய்யப்பட்டதாக கூறப்படுகிறது. ஆனால், அத்தகைய கூட்டணிக்கு பெரிய அளவில் வாக்குகள் கிடைக்காது என்று கணக்கெடுக்கப்பட்டதால், இபிஎஸ் கூட்டணி திட்டத்தை நிராகரித்துள்ளார்.

அதிமுக, தவெக மற்றும் பாஜக கூட்டணி

நகர்ப்புற இளைஞர்கள் மற்றும் ரசிகர் மன்றங்களை தாண்டி தவெக தாக்கம் குறைவாகவே உள்ளது. அதிமுகவின் உள் ஆய்வில், தவெக கட்சிக்கு மக்கள் மத்தியில் ஆர்வம் இருந்தாலும், உறுதியான ஆதரவு இல்லை என்பது தெரியவந்துள்ளது.

இதன் மூலம் அதிமுக பொதுச் செயலாளர் எடப்பாடி பழனிசாமி, நடிகர் விஜயின் தமிழக வெற்றிக் கழகத்துடன் (TVK) கூட்டணி அமைப்பது குறித்த பேச்சுவார்த்தைகளை நிறுத்திவிட்டதாக தகவல்கள் வெளியாகியுள்ளன. கடந்த சில வாரங்களாக தொடர்ந்து அதிமுக கூட்டணிக்கு விஜய் வரப்போவதாக மறைமுகமாக தெரிவித்து வந்த எடப்பாடி.. தற்போது அதை நிறுத்தி உள்ளார். விஜய் பற்றி பேசுவதையே அடியோடு கைவிட்டு உள்ளார் எடப்பாடி.

இந்த முடிவு, அதிமுக நடத்திய ஓர் உட்கட்சி ஆய்வுக்குப் பிறகு எடுக்கப்பட்டுள்ளதாக கூறப்படுகிறது. தமிழக வெற்றிக் கழகம் பற்றி எடப்பாடி பழனிசாமி நடத்திய ஆய்விற்கு பிறகே இந்த முடிவு எடுக்கப்பட்டதாக கூறப்படுகிறது.

விஜய் பற்றி எடுத்த அதிமுகவின் ஆய்வு

அதிமுகவின் ஆய்வு முடிவுகளின்படி, தமிழக வெற்றிக் கழகத்திற்கு இன்னும் வலுவான கட்சி கட்டமைப்பு அல்லது மாநிலம் தழுவிய தொண்டர் படைகள் இல்லை. நடிகர் விஜய் ஒரு திரைப்பட நட்சத்திரமாக பெரும் செல்வாக்கு பெற்றிருந்தாலும் கட்சிக்கு கட்டமைப்பு இல்லை. கட்சிக்கு பெரிய அளவில் வலுவான கிரவுண்டு பணிகளை செய்ய ஆட்கள் இல்லை.

அவரது அரசியல் கட்சிக்கு அனைத்துத் தொகுதிகளிலும் திறம்பட போட்டியிட தேவையான அடித்தளப் பணியாளர்களும், அனுபவம் வாய்ந்த வேட்பாளர்களும் போதிய அளவில் இல்லை என்று அந்த ஆய்வு சுட்டிக்காட்டுகிறது.

அதிமுகவின் பல மாவட்ட அளவிலான தலைவர்கள், தவெகவின் அமைப்பு இன்னும் ஆரம்ப நிலையிலேயே உள்ளது என்றும், ஒரு பெரிய தேர்தலை எதிர்கொள்ள அது தயாராக இல்லை என்றும் எடப்பாடி பழனிசாமியிடம் தெரிவித்ததாக கூறப்படுகிறது. .