சென்னையில் தங்கம் விலை சரசரவென சரிவு.. இரண்டே வாரத்தில் ரூ.1500 குறைந்தது

சென்னை: சென்னையில் 22 கேரட் ஆபரண தங்கத்தின் விலை இன்று சவரனுக்கு ரூ.168 சரிந்து ரூ.28 ஆயிரத்து 632க்கு விற்பனையாகிறது. தங்கத்தின் விலை கடந்த 15 நாட்களில் மட்டும் சவரனுக்கு ரூ.1,488 குறைந்துள்ளது. இது தங்கம் வாங்குவோருக்கு சற்று ஆறுதலை தந்துள்ளது.

தங்கம் விலை கடந்த 3மாதத்தில் திடீரென 3 ஆயிரம் ரூபாய் வரை அதிகரித்து. ஒரு சவரன் தங்கம் கடந்த இரண்ட வாரங்களுக்கு முன்ஹப ரூ.30 ஆயிரத்தை தொட்டது. இதனால் தங்கம் வாங்குவோர் கடும் அதிர்ச்சி அடைந்தனர். திருமணத்திற்கு நகை வாங்க விரும்பியோர் மிகவும் சிரமதிற்கு உள்ளாகினர். இந்நிலையில் தங்கம் விலை கடந்த இரண்டு வாரங்களாக படிப்படியாக குறைய தொடங்கியது.

கடந்த செப்டம்பர் 5ம் தேதி ஒரு சவரன் தங்கத்தின் விலை 29 ஆயிரத்து 928 ரூபாய்க்கு விற்பனை செய்யப்பட்ட நிலையில் அடுத்த நாளே அதாவது செப்டம்பர் 6ம் தேதி சவரனுக்கு 700 ரூபாய் சரிந்து 29 ஆயிரத்து 262 ரூபாய்க்கு விற்பனை ஆனது

அதன்பிறகு ஏறி இறங்கிய தங்கத்தின் விலை கடந்த 14ம் தேதி மிக அதிபட்சமாக சரிந்து 28 ஆயிரத்து 672 ரூபாய்க்கு ஒரு சவரன் விற்பனை ஆனது. இந்நிலையில் கடந்த ஒரு மாதத்தில் இல்லாத அளவாக தற்போது தங்கத்தின் விலை ஒரு சவரனுக்கு ரூ.168 சரிந்து ரூ.28 ஆயிரத்து 632க்கு சென்னையில் விற்பனை செய்யப்படுகிறது. ஒரு கிராம் ஆபரண தங்கத்தின் விலை ரூ.3579 க்கு சென்னையில் இன்று காலை விற்பனை ஆனது.

கடந்த 15 நாட்களில் மட்டும் தங்கத்தின் விலை சவரனுக்கு ரூ.1,488 குறைந்துள்ளது. இது தங்கம் வாங்குவோருக்கு ஒரளவு ஆறுதலை தந்துள்ளது.

English summary

gold price fall today, RS 1500 fall last 15 days. 22 carat one savaran gold sells at rs 28, 632