0.43% பிரேமலதாவுக்கு 10+1..3% கமலுக்கு 0! இன்னொரு மதிமுக மநீம? நீங்க சினிமாவுக்கே போயிருங்க ஆண்டவரே!

சென்னை: நேற்று அரசியலுக்கு வந்த விஜய் தமிழக அரசியலில் பேசு பொருளாக மாறி இருக்கிறார். அவரை சுற்றியே அரசியல் வலைகள் பின்னப்பட்டு வருகிறது. ஒரு சதவீத வாக்கைக் கூட நிரூபிக்காத நிலையிலும், விஜயும் ஒரு ஃபேக்டராக மாறி இருக்கிறார். ஆனால் திரைத்துறையில் உச்சம் தொட்ட கமலஹாசன் தமிழ்நாடு அரசியலில் குறிப்பாக 2026 தேர்தலில் ஒரு புள்ளியாக கூட இல்லை. 2021 ஆம் ஆண்டு தமிழ்நாடு சட்டமன்றத் தேர்தலில் தேமுதிக 0.43% வாக்குகளையே பெற்ற நிலையில், அக்கட்சிக்கு 10+1 என தொகுதிகளை ஒதுக்கியுள்ளது. ஆனால், 2021 தமிழ்நாடு சட்டமன்றத் தேர்தலில் கமல் ஹாசன் தலைமையிலான மக்கள் நீதி மய்யம் சுமார் 2.45% முதல் 3% வரை வாக்குகளைப் பெற்ற நிலையில், தற்போது போட்டியே இடவில்லை என்பது குறிப்பிடத்தக்கது.

தமிழக அரசியலில் நடிகர்கள் வருகை என்பது புதிதல்ல. ஆனால் ஒவ்வொரு முறையும் ஒரு புதிய நடிகர் அரசியலுக்கு வந்தாலே அரசியல் வட்டாரங்களில் புதிய கணக்குகள் போடப்படுவது வழக்கம். சமீபத்தில் அரசியலுக்கு வந்த விஜய் தற்போது தமிழக அரசியலில் முக்கிய பேசுபொருளாக மாறியுள்ளார்.

இன்னும் தேர்தலில் ஒரு சதவீத வாக்கு கூட நிரூபிக்காத நிலையிலேயே, அவரை மையமாக வைத்து அரசியல் வியூகங்கள் பின்னப்பட்டு வருவது கவனிக்கத்தக்கதாக உள்ளது. ஆனால் இதே நேரத்தில், நீண்ட காலமாக அரசியலில் இருப்பவர் கமல்ஹாசன்.

கமல்ஹாசன்

ஆனால், தற்போது 2026 சட்டமன்றத் தேர்தலை முன்னிட்டு அரசியல் கணக்கில் ஒரு 'புள்ளி' ஆக கூட பார்க்கப்படவில்லை என்பது தான் கசப்பான உண்மை. திரைத்துறையில் உச்சத்தை தொட்ட கமல்ஹாசன், அரசியலில் எதிர்பார்த்த அளவுக்கு முன்னேறாதது ஏன் என்ற கேள்வி மீண்டும் எழுந்துள்ளது. கமல்ஹாசன் அரசியலில் கால் பதித்து கிட்டத்தட்ட ஒரு தசாப்தமாகிறது. நடிகர், இயக்குநர், தயாரிப்பாளர், வசனகர்த்தா என பல்வேறு பரிணாமங்களை கடந்து திரைத்துறையில் தனக்கென தனி இடத்தை உருவாக்கியவர்.

மக்கள் நீதி மய்யம்

ஐந்து தலைமுறைகளை தாண்டியும் முன்னணி நடிகராக இருந்து வருகிறார். அந்த புகழின் அடிப்படையில் அரசியல் கட்சியாக மக்கள் நீதி மய்யத்தை தொடங்கி தேர்தல் களத்தில் இறங்கியபோதும், அரசியலில் அந்த வேகத்தை நிலைநிறுத்த முடியாத நிலை உருவானது. கட்சியை தொடங்கிய பிறகு சில தேர்தல்களில் போட்டியிட்டாலும், 2021 சட்டமன்றத் தேர்தலே கமல்ஹாசனின் அரசியல் பயணத்தில் முக்கிய சோதனையாக அமைந்தது.

மநீம வாக்கு சதவீதம்

அந்த தேர்தலில் சில தொகுதிகளில் மரியாதைக்குரிய வாக்குகள் கிடைத்தாலும், கட்சியின் தலைவர் கமல்ஹாசன் தாமே போட்டியிட்ட கோவை தொகுதியில் தோல்வியடைந்தது பெரிய பின்னடைவை ஏற்படுத்தியது. தொடர்ந்து நடைபெற்ற ஊரக மற்றும் நகர்ப்புற உள்ளாட்சி தேர்தல்களிலும் குறிப்பிடத்தக்க வெற்றிகள் இல்லாததால் கட்சியின் அமைப்பு பலவீனமடைந்ததாக கூறப்படுகிறது. அதன்பிறகு, கமல்ஹாசன் முழுநேர அரசியலில் ஈடுபடாமல், சினிமா மற்றும் தொலைக்காட்சி நிகழ்ச்சிகளில் அதிக கவனம் செலுத்தினார்.

மநீம நிர்வாகிகள்

குறிப்பாக 'விக்ரம்' திரைப்படம் பெரிய வெற்றியை பெற்ற பிறகு, தொடர்ந்து திரையுலகிலேயே கவனத்தை செலுத்தியது மநீம-வின் அரசியல் செயல்பாடுகளை குறைத்ததாக கூறப்படுகிறது. இதனால் கட்சியின் செயல்பாடுகள் அறிக்கை வெளியீடுகள் மற்றும் சமூக வலைதள பதிவுகளுக்கு மட்டுமே சுருங்கிவிட்டதாக விமர்சனங்கள் எழுந்தன. இந்த நிலைமை கட்சியின் நிர்வாகிகள் மற்றும் மாவட்டச் செயலாளர்களிடையே ஏமாற்றத்தை உருவாக்கியதாகவும் கூறப்படுகிறது.

திமுக கூட்டணி

ஆரம்பத்தில் கட்சியில் முக்கிய பொறுப்பில் இருந்த பலர் பின்னர் விலகிச் சென்றதும், கட்சியின் அமைப்பு வலிமையை பாதித்ததாக பார்க்கப்படுகிறது. சில முக்கிய முகங்கள் பிற கட்சிகளில் இணைந்ததும் அரசியல் ரீதியாக பாதிப்பை ஏற்படுத்தியது. இந்நிலையில் கடந்த மக்களவைத் தேர்தலில் திமுக தலைமையிலான கூட்டணியில் இணைந்த கமல்ஹாசன், குறைந்த அளவிலான தொகுதிகளில் மட்டுமே பிரசாரம் மேற்கொண்டார்.

ராகுல் காந்தி

ராகுல் காந்தி உடனான நெருக்கம் காரணமாகவே அவர் கூட்டணியில் இணைந்ததாக அரசியல் வட்டாரங்களில் பேசப்பட்டது. அதன்பின்னர் மாநிலங்களவை உறுப்பினராக நியமிக்கப்பட்டது அவரது அரசியல் பாதையில் ஒரு புதிய திருப்பமாக இருந்தாலும், கட்சியின் அடிப்படை வளர்ச்சியில் பெரிய மாற்றம் ஏற்படவில்லை என்ற விமர்சனங்கள் தொடர்ந்து எழுந்தன.

தேமுதிகவுக்கு சீட்

முக்கியமாக, 2021 சட்டமன்றத் தேர்தலில் மக்கள் நீதி மய்யம் சுமார் 2.45% முதல் 3% வரை வாக்குகளைப் பெற்றிருந்தது குறிப்பிடத்தக்கது. இதே நேரத்தில் தேமுதிக கடந்த தேர்தலில் வெறும் 0.43% வாக்குகள் மட்டுமே பெற்றிருந்த நிலையிலும், தற்போது திமுக கூட்டணியில் 10+1 தொகுதிகள் ஒதுக்கப்பட்டுள்ளன. ஆனால் அதிக வாக்கு சதவீதம் பெற்ற மக்கள் நீதி மய்யம் தற்போது போட்டியிடவில்லை என்பது அரசியல் ரீதியாக பல கேள்விகளை எழுப்பியுள்ளது.

2026 தமிழக சட்டசபை தேர்தல்

திமுக சின்னத்தில் போட்டியிட சொன்னதால் களத்தில் இறங்கவில்லை என்கிறார் கமல். 2021 ஆம் ஆண்டு தமிழ்நாடு சட்டமன்றத் தேர்தலில் தேமுதிக 0.43% வாக்குகளையே பெற்ற நிலையில், அக்கட்சிக்கு 10+1 என தொகுதிகளை ஒதுக்கியுள்ளது. ஆனால், 2021 தமிழ்நாடு சட்டமன்றத் தேர்தலில் கமல் ஹாசன் தலைமையிலான மக்கள் நீதி மய்யம் சுமார் 2.45% முதல் 3% வரை வாக்குகளைப் பெற்ற நிலையில், தற்போது போட்டியே இடவில்லை என்பது குறிப்பிடத்தக்கது. உண்மையைச் சொன்னால், 2026 தமிழக சட்டசபை தேர்தல் மதிமுக கூட ஒரு தனி சின்னத்தில் நிற்கும் நிலையில், கமலின் மநீம அதற்கு கூட வழியில்லாமல் வழிவிட்டது குறிப்பிடத்தக்கது.

English summary

Kamal Haasan’s decision to skip 2026 Tamil Nadu Assembly elections despite past vote share triggers debate, as DMDK secures more seats with lower percentage.