மொஹரம் பண்டிகை: ஜூலை 7 இல் அரசு விடுமுறையா? - தமிழக அரசு விளக்கம்

சென்னை: மொஹரம் பண்டிகையை முன்னிட்டு ஜூலை 7 ஆம் தேதியான வரும் திங்கள்கிழமை அன்று அரசு விடுமுறை என்ற தகவல் சமூக வலைதளங்களில் பரவி வருகிறது. இந்நிலையில், விடுமுறையா இல்லையா என்பது குறித்து தமிழக அரசு விளக்கம் அளித்துள்ளது.

ஜூலை மாதம் தொடங்கியதில் மொஹரம் பண்டிகை விடுமுறை குறித்த பல்வேறு தகவல்கள் சமூக வலைதளங்களில் பரவி வருகின்றன. மொஹரம் பண்டிகை ஜூலை 6 ஆம் தேதி என்று உறுதி செய்யப்பட்டுள்ள நிலையில், தொடர்ந்து இந்த தகவல் பரப்பப்பட்டு வருகிறது.

இந்நிலையில், மொஹரம் பண்டிகை ஜூலை 6 ஆம் தேதியே என்றும், மொஹரம் பண்டிகையை முன்னிட்டு ஜூலை 7 ஆம் தேதியான திங்கள்கிழமை அரசு விடுமுறை என்ற தகவல் தவறானது என்றும் தமிழக அரசின் உண்மை சரிபார்ப்பகம் உறுதி செய்துள்ளது.

இதுகுறித்து தமிழக அரசின் உண்மை சரிபார்ப்பகம் வெளியிட்டுள்ள தகவலில் கூறியுள்ளதாவது: மொஹரமை முன்னிட்டு ஜூலை 7 ஆம் தேதியன்று அரசு விடுமுறை என்று பரவும் தகவல் வதந்தி.

மொஹரமை முன்னிட்டு ஜூலை 7, 2025 (திங்கட்கிழமை) அரசு விடுமுறை என்ற தகவல் சமூக வலைத்தளங்களில் அதிகளவில் பகிரப்பட்டு வருகிறது. இது தவறான தகவலாகும்.

"கடந்த 26-06-2025 அன்று மொஹரம் மாத பிறை காயல்பட்டினத்தில் காணப்பட்டது. ஆகையால் 27-06-2025 தேதி அன்று மொஹரம் மாத முதல் பிறை என்று ஷரியத் முறைப்படி நிச்சயிக்கப்பட்டிருக்கிறது. எனவே யொமே ஷஹாதத் ஞாயிற்றுக்கிழமை 06-07-2025 ஆகும்." என்று தமிழ்நாடு அரசு தலைமை காஜி அறிவித்துள்ளார்.

வார விடுமுறையான ஞாயிற்றுக்கிழமை அந்த நாள் அறிவிக்கப்பட்டுள்ளதால் 07-07-2025 திங்கட்கிழமை அரசு விடுமுறை இல்லை. எனவே தவறான தகவலை பரப்பாதீர்கள் என்றும் கேட்டுக் கொள்ளப்பட்டுள்ளது.

English summary

Information is circulating on social media that Monday, July 7th, will be a government holiday in observance of the Muharram festival. In this situation, the Tamil Nadu government has clarified whether it is a holiday or not.