மழையில சூடான “டீ” குடிக்க ஆசை.. ஆனால் “கப்”ஐ காணோம்! 10 செகன்ட்ல கண்டுபிடிச்சு உதவ முடியுமா?

Published: Sunday, December 25, 2022, 15:39 [IST]

Subscribe to Oneindia Tamil

சென்னை: கடந்த சில மாதங்களாகவே சமூக வலைதளங்களில் ஆப்டிகல் இல்லியூசன் படங்களில் உள்ள புதிர்களை கண்டுபிடிப்பது பொழுதுபோக்காகவும், ஆர்வமூட்டும் அம்சமாகவும் மாறி இருக்கிறது. அந்த வகையில் இந்த செய்தியின் உள்ளே ஒரு ஆப்டிகல் இல்லியூசன் கார்ட்டூன் படம் இணைக்கப்பட்டு இருக்கிறது. உங்கள் தேடல் மற்றும் கவனிக்கும் ஆற்றலை அறிய 10 வினாடிகளில் காணாமல்போன டீ கப்பை கண்டுபிடிக்க முயற்சி செய்து பாருங்கள்.

ஓவியங்கள் பல இருந்தாலும் அதில் ஆப்டிகல் இல்லியூசன் ஓவியங்களுக்கு என ஒரு தனி வரவேற்பு இருந்து வருகிறது. அறிவாற்றல் மற்றும் கவனத்திறன் சார்ந்த மாயைகள் ஆப்டிகல் இல்லியூசன்களில் ஒரு ரகம்.

இந்த ஆப்டிகல் இல்லியூசன் படங்களில் ஏதாவது ஒரு பொருள், உயிரினம் அல்லது எழுத்து, உருவம் வேறொரு தோற்றத்திற்குள் மறைத்து வைத்து இருப்பார்கள். இதனை கண்டறிய முயற்சி செய்வதால் சிந்தனை, தேடல் ஆற்றல் வளரும் எனப்படுகிறது.

ஆப்டிகல் இல்லியூசன்

மூளையை கசக்க வைப்பதுடன், நல்ல சிந்தனை ஆற்றலை இந்த ஆப்டிகல் இல்லியூசன் புகைப்படங்கள் உங்கள் தரும். ஆழமாக கவர்ந்து இழுக்கும் புகைப்படங்கள், ஓவியங்களுக்குள் ஏதாவது ஒரு ரகசிய தகவல், பொருள் இருந்தால் ஸ்பெஷலாக இருக்குமல்லவா? ஆப்டிகல் இல்லியூசன் ரகத்தின் ஒரு வெளிப்படையான தோற்றம் என்பது ஊடகங்களில் வெளியிடப்படும் பேசும் படங்கள்.

2 படங்களுக்கு இடையிலான வித்தியாசம்

அதேபோன்றுதான் நாளிதழ்களில் ஒரே மாதிரியான 2 படங்களுக்கு இடையே உள்ள வித்தியாசங்களை கண்டுபிடிக்க வேண்டும் என்ற புதிரும் இந்த ஆப்டிகல் இல்லியூசனின் வகைதான். அனைத்து விதமான ஆப்டிகல் இல்லியூசன் படங்களின் நோக்கமும் புகைப்பட புதிர்களை கண்டுபிடிப்பதுதான். ஒருவரின் அறிவாற்றல் மற்றும் கவனிப்பு திறனை அறிந்துகொள்ளவதற்கான எளிய வழி.

சுவாரஸ்யமும் சவாலும்

ஒரு புகைப்படத்தின் மூலம் அது சொல்ல வரும் செய்தியை எளிதில் அறிந்துகொள்வதே பேசும் படம் எனப்படுகிறது. ஆனால், அந்த தகவல் ஆப்டிகல் இல்லியூசனில் மறைத்து வைக்கப்பட்டு இருக்கும். சாதாரண ஓவியமாக, புகைப்படமாக நாம் கடந்து செல்லாமல் அதில் ஒளிந்து இருக்கும் தோற்றத்தை கண்டுபிடிப்பது சற்று சவாலான காரியம் என்றாலும் சுவாரஸ்யத்துக்கு அதில் பஞ்சம் இருக்காது.

இன்றைய புதிர்

இன்றைய புதிருக்கான ஆப்டிகல் இல்லியூசன் கார்ட்டூன் மேலே இணைக்கப்பட்டு உள்ளது. இது ஒரு அலமாறியின் ஓவியமாகும். அதில் ஆடைகள், காலணிகள், கைப்பைகள், பெட்டிகள், தொப்பி, கிறிஸ்துமஸ் தாத்தாவின் உடை போன்றவை உள்ளன. அத்துடன் ஒரு டீ கப்பும் உள்ளது. மேற்குறிப்பிட்ட பொருட்களை போல் அது தெளிவாக தெரியாது அதை நீங்கள் 10 வினாடிகளில் கண்டுபிடிக்க வேண்டும். அப்படி கண்டுபிடித்தால் அடுத்த கீழே உள்ள விடையை சரிபார்த்துக்கொள்ளுங்கள்.

இதுதான் விடை

டீ கப்பை 10 வினாடிகளில் கண்டுபிடித்தவர்களுக்கு வாழ்த்துக்கள். படத்தில் உள்ள அலமாறி 4 கட்டங்களை கொண்டது. அதில் மேலே உள்ள 2 கட்டங்களிலும் அந்த டீ கப் இல்லை. கீழே கிறிஸ்துமஸ் தாத்தா உடை இருக்கும் இடதுபக்க கட்டத்திலு அந்த கப் இல்லை. கீழே வலதுபுறமாக உள்ள கட்டத்தின் கீழே அந்த டீ கப் உள்ளது. பல புள்ளிகளை கொண்ட துணிக்கு முன் அதே வடிவமைப்பில் இருப்பதைபோல் கப்பை வைத்து உள்ளார்கள்.

Published On December 25, 2022