தென் சென்னையில் போட்டியிட்ட பவர் ஸ்டார் வாங்கிய ஓட்டுக்கள் எத்தனை தெரியுமா?

சென்னை: மக்களவை தேர்தலில் போட்டியிட்ட நடிகர் பவர்ஸ்டார் சீனிவாசன் 300க்கும் குறைவான வாக்குகளே வாங்கியுள்ளார்.

தமிழகத்தில் கடந்த மாதம் 18ம் தேதி நடைபெற்ற மக்களவை தேர்தலில் அதிமுக, திமுக, மநீம, அமமுக, நாம் தமிழர் என ஐந்து முனை போட்டி நிலவியது.

இந்த ஐந்து கூட்டணிகளையும் தாண்டி, பேசப்பட்ட நபர் நடிகர் பவர்ஸ்டார் சீனிவாசன்.

பவர் ஸ்டார் சீனிவாசன்

குடியரசு தேசிய கட்சி சார்பில் தென் சென்னை நாடாளுமன்ற தொகுதியில் பவர் ஸ்டார் போட்டியிட்டார். அவருடன் அதிமுக சார்பில் ஜெயவர்தன், திமுக சார்பில் தமிழச்சி தங்கப்பாண்டியனும் களம் கண்டனர்.

நல்ல வரவேற்பு

பவர் ஸ்டார் நடிகர் என்பதால் பிரச்சாரத்தின் போது அவருக்கு நல்ல வரவேற்பு கிடைத்தது. மேலும் மீடியா வெளிச்சமும் தொடர்ந்து இருந்தது.

பாஜக வெற்றி

இந்நிலையில் இன்று காலை முதல் வாக்குகள் எண்ணப்பட்டு வருகின்றன. பாரதிய ஜனதா கட்சி அதிக இடங்களில் வெற்றி பெற்று தனிப்பெரும்பான்மையுடன் ஆட்சி அமைக்கிறது.

குறைவான வாக்குகள்

தமிழ்நாட்டை பொறுத்தவரை திமுக கூட்டணி தான் அதிக இடங்களில் வெற்றி பெற்றுள்ளது. குறிப்பாக தென் சென்னை தொகுதியில் திமுக வேட்பாளர் தமிழச்சி தங்கபாண்டியன் வெற்றிபெற்றுள்ளார். அவரை தெரிவித்து போட்டியிட்ட பவர்ஸ்டார் சீனிவாசன், 256 வாக்குகள் மட்டுமே பெற்றுள்ளார். இதனால் அவருக்கு டெப்பாசிட் கூட கிடைக்காது என்பது குறிப்பிடத்தக்கது.

English summary

Actor Power star Srnivasan, who contested in south Chennai constituency got only 256 votes.