நடிகையின் காலில் விழுந்த ரஜினிகாந்த்.. விருது விழாவில் நெகிழ்ச்சி சம்பவம்!
சென்னை: நடிகர் ரஜினிகாந்த் மூத்த நடிகை காலில் விழுந்து ஆசி பெற்றுள்ளார். நடிகை வைஜெயந்தி மாலாவுக்கு கலாசார மேன்மைக்கான டாக்டர் திருமதி ஒய்ஜிபி விருதை வழங்கினார் ரஜினிகாந்த். அப்போது வைஜெயந்தி மாலாவின் காலில் விழுந்து நடிகர் ரஜினிகாந்த் ஆசி பெற்றார். மேலும், அவரை வெகுவாகப் பாராட்டி மேடையில் பேசினார்.
தமிழ் நாடக ஆசிரியர் ஒய்.ஜி.பார்த்தசாரதியின் மனைவியும், கல்வியாளருமான மறைந்த ராஜலட்சுமி நூற்றாண்டு விழா, சென்னையில் நேற்று முன்தினம் நடந்தது. ஒய்.ஜி.பார்த்தசாரதி - ராஜலட்சுமி தம்பதியரின் மகனும், நடிகருமான ஒய்.ஜி.மகேந்திரன் - சுதா, பேத்தி மதுவந்தி ஏற்பாட்டில் இந்த விழா நடந்தது.
சிறப்பு விருந்தினராக நடிகர் ரஜினிகாந்த் கலந்துகொண்டு, பழம்பெரும் நடிகை வைஜெயந்தி மாலாவுக்கு, கலாச்சார மேன்மைக்கான விருதை வழங்கி கவுரவித்தார். . அப்போது வைஜெயந்தி மாலாவின் காலில் விழுந்து நடிகர் ரஜினிகாந்த் ஆசி பெற்றார். மேலும், அவரை வெகுவாகப் பாராட்டி மேடையில் பேசினார்.
வேல்ஸ் கல்வி குழும நிறுவனர் ஐசரி கணேஷ், ரஜினிகாந்தின் மனைவி லதா, இயக்குநர் எஸ்.பி.முத்துராமன், பரதநாட்டிய கலைஞர்கள் பத்மா சுப்பிரமணியன், ஷோபனா, பாடகி நித்யஸ்ரீ மகாதேவன், வயலின் இசைக்கலைஞர் லால்குடி கிருஷ்ணன், தொழில் அதிபர் ரவி வெங்கட்ராமன் உள்ளிட்ட பலரும் இந்த நிகழ்வில் பங்கு பெற்றனர்.
இந்திய அரசின் 3வது மிக உயரிய விருதாக கருதப்படும் பத்மபூஷன் விருது பெற்றவர் பழம்பெரும் நடிகை வைஜெயந்தி மாலா. சினிமா நடிகையாக மட்டுமல்லாமல் பரத நாட்டிய கலைஞராகவும் அறியப்படுகிறார். 1949 ஆம் ஆண்டு வெளியான 'வாழ்க்கை' படத்தின் மூலம் தமிழ் திரையுலகில் அறிமுகமானார்.
தமிழ், தெலுங்கு, இந்தி என பல்வேறு மொழிகளில் நடித்துள்ளார். குறிப்பாக 'தேவதாஸ்' படத்தில் நடித்ததன் மூலம் இந்திய அளவில் கவனம் பெற்றார். எம்ஜிஆர் உடன் பாக்தாத் திருடன், ஜெமினியுடன் வஞ்சிக்கோட்டை வாலிபன், சிவாஜியுடன் இரும்பு திரை உள்ளிட்ட பல படங்களில் நடித்துள்ளார்.
பாலிவுட் நடிகர் ராஜ்கபூரின் குடும்ப மருத்துவர் சமன்லால் பாலியை திருமணம் செய்துகொண்டார். பின்னர் சினிமாவிலிருந்து விலகினார். காங்கிரஸ், பாஜக என வெவ்வேறு அரசியல் கட்சிகளில் தனது பயணத்தை தொடர்ந்தார். வைஜெய்ந்தி மாலாவுக்கு தற்போது வயது 91.
Click it and Unblock the Notifications
Sign in with Google