எம்பிபிஎஸ், பிடிஎஸ் கவுன்சிலிங்: தரவரிசை பட்டியல் வெளியானது.. முதல் 9 இடங்களிலும் மாணவர்கள் தான்!

சென்னை: எம்​பிபிஎஸ், பிடிஎஸ் படிப்​பு​களுக்கு தகு​தி​யான மாணவ, மாணவி​களின் தரவரிசைப் பட்டியல் இன்று வெளியிடப்பட்டு உள்ளது. மருத்துவப் படிப்புகளுக்கான அரசு ஒதுக்கீட்டு இடங்களுக்கான தரவரிசை பட்டியலை அமைச்சர் மா.சுப்பிரமணியன் இன்று வெளியிட்டார்.

எம்பிபிஎஸ், பிடிஎஸ் தரவரிசையில் நெல்லை மாணவர் சூர்ய நாராயணன் முதலிடம் பிடித்துள்ளார். சேலம் மாணவர் அபினீத் நாகராஜ் இரண்டாம் இடம் பிடித்துள்ளார். கடந்த ஆண்டைப் போலவே நடப்​பு ஆண்டிலும் 11,350 மருத்​துவ இடங்​களுக்கு மாணவர் சேர்க்கை நடை​பெற உள்ளது.

தமிழகத்தில் 36 அரசு மருத்துவக் கல்லூரிகள் மற்றும் கே.கே.நகர் இஎஸ்ஐ மருத்துவக் கல்லூரியில் மொத்தம் 5,200 எம்பிபிஎஸ் இடங்கள் உள்ளன. அதில் 888 இடங்கள் அகில இந்திய ஒதுக்கீட்டுக்கு வழங்கப்படுகின்றன. இவை தவிர, சுயநிதிக் கல்லூரிகளில் 3,450 இடங்களும், தனியார் மருத்துவ பல்கலைக்கழகங்களில் 550 இடங்களும் எம்பிபிஎஸ் படிப்புகளுக்கு உள்ளன.

மொத்தமாக அரசு மற்றும் தனியார் கல்லூரிகளில் 9,200 எம்பிபிஎஸ் இடங்களுக்கு கலந்தாய்வு நடத்தப்படுகிறது. இதில் 496 இடங்கள் 7.5 சதவீத ஒதுக்கீட்டின் கீழ் அரசு பள்ளி மாணவர்களுக்கு வழங்கப்படுகிறது. பிடிஎஸ் இடங்களைப் பொருத்தவரை அரசு மருத்துவக் கல்லூரிகளில் 250 இடங்களும், தனியார் கல்லூரிகளில் 1,900 இடங்களும் உள்ளன. அதில், 126 இடங்கள் அரசுப் பள்ளி மாணவர்களுக்கு ஒதுக்கப்படுகின்றன.

அதன்படி, நடப்பு ஆண்டில் 11,350 மருத்துவ இடங்களுக்கு மாணவர் சேர்க்கை நடைபெறவுள்ளது. அதற்கான ஆன்லைன் வழி விண்ணப்பப் பதிவு கடந்த 6-ஆம் தேதி தொடங்கியது. www.tnmedicalselection.org என்ற இணையதளம் வாயிலாக விண்ணப்பங்களை பதிவு செய்ய கடந்த 29 ஆம் தேதி வரை அவகாசம் அளிக்கப்பட்டது.

அந்த வகையில் நிர்வாக ஒதுக்கீட்டுக்கு 30 ஆயிரத்துக்கும் மேற்பட்டோரும், அரசு ஒதுக்கீட்டுக்கு 42 ஆயிரத்துக்கும் மேற்பட்டோரும் விண்ணப்பித்தனர். மொத்தம் 72,943 விண்ணப்பங்கள் சமர்ப்பிக்கப்பட்டுள்ளதாக மருத்துவக் கல்வி இயக்குநரக அதிகாரிகள் தெரிவித்தனர். விண்ணப்பதாரர்களின் நீட் மதிப்பெண்களை மத்திய அரசிடமிருந்து பெற்று அதன் அடிப்படையில் கணினி முறையில் தரவரிசைப் பட்டியல் தயாரிக்கப்பட்டு உள்ளது.

இந்​நிலை​யில், எம்.பி.பி.எஸ், பி.டி.எஸ் படிப்புகளுக்கு தகு​தி​யான மாணவ, மாணவி​களின் தரவரிசைப் பட்​டியலை இன்று கிண்​டி​யில் உள்ள கலைஞர் நூற்​றாண்டு உயர் சிறப்பு மருத்​து​வ​மனை​யில் சுகா​தா​ரத் துறை அமைச்​சர் மா.சுப்பிரமணி​யன் வெளி​யிட்டுள்ளார்.

எம்பிபிஎஸ், பிடிஎஸ் தரவரிசையில் நெல்லை மாணவர் சூர்ய நாராயணன் முதலிடம் பிடித்துள்ளார். இவர் நீட் தேர்வில் 665 மதிப்பெண்கள் பெற்றவர். சேலம் மாணவர் அபினீத் நாகராஜ் இரண்டாம் இடம் பிடித்துள்ளார். சேலத்தை சேர்ந்த ஹருதிக் விஜயராஜா தரவரிசைப் பட்டியலில் 3ம் இடம் பிடித்துள்ளார்.

திருவள்ளூர் மாணவர் ராகேஷ் 4வது இடத்தையும், செங்கல்பட்டு மாணவர் பிரஜன் ஸ்ரீவாரி 5வது இடத்தையும் பிடித்துள்ளனர்.தரவரிசையில் முதல் 9 இடங்களை மாணவர்களே பிடித்துள்ளனர். 10வது இடத்தில் மாணவி ஒருவர் உள்ளார்.

எம்பிபிஎஸ், பிடிஎஸ் மருத்துவப் படிப்புகளுக்கான தரவரிசைப் பட்டியலை வெளியிட்ட பிறகு அமைச்சர் மா.சுப்பிரமணியன் செய்தியாளர்களிடம் பேசுகையில், "தமிழகத்தில் மருத்துவப் படிப்புகளுக்கான முதற்கட்ட கலந்தாய்வு ஜூலை 30 ஆம் தேதி துவங்குகிறது. எம்.பி.பி.எஸ், பி.டி.எஸ், படிப்புகளுக்கு 72,743 மாணவ, மாணவிகள் விண்ணப்பித்துள்ளனர்.

மருத்துவ படிப்பில் சேர 7.5சதவீத இட ஒதுக்கீட்டில் 4,281 விண்ணப்பங்கள் பெறப்பட்ட நிலையில், 4,062 விண்ணப்பங்கள் ஏற்கப்பட்டுள்ளன. அரசு ஒதுக்கீட்டில் மருத்துவ இடங்களில் சேர 43,315 பேர் விண்ணப்பித்து இருந்தனர். இதில், 39,853 பேரின் விண்ணப்பங்கள் ஏற்கப்பட்டு உள்ளது." என்றார்.

English summary

The rank list of eligible students for MBBS and BDS studies is being published today. Minister Ma. Subramanian is publishing the ranking list today. Like last year, admissions for 11,350 medical seats are going to be held this year as well.