சென்னை நோக்கி வந்த சிகப்பு தக்காளிகள்.. இன்றும் பல மாவட்டங்களில் மழை பெய்யும்.. தமிழ்நாடு வெதர்மேன்

சென்னை: சென்னையை நோக்கி நகர்ந்த சிகப்பு தக்காளிகள்தான், நேற்றைய மழைக்கு காரணம் என்கிறார் தமிழ்நாடு வெதர்மேன்.

சென்னையில் நேற்று மாலை திடீரென வானம் மேக மூட்டத்தோடு மாறி, இடியுடன் கூடிய நல்ல மழையை பெற்றது. திடீர் மழையால் மக்கள் மகிழ்ச்சியடைந்தனர்.

புயல் போல வரும் இந்த மழைக்கு, தமிழ்நாடு வெதர்மேன் வைத்துள்ள செல்லப் பெயர் சிகப்பு தக்காளி. வெப்ப நிலை மாற்றம், வளி மண்டல மாற்றம் போன்றவை சிகப்பு தக்காளிகள் உருவாக காரணம். சிகப்பு வண்ணத்தில் தக்காளி போல காணப்படும் மேக மூட்டத்தின் புகைப்படத்தையும் அவர் பகிர்ந்துள்ளார்.

மழைக்கு வாய்ப்பு

இந்த நிலையில், மழை இன்றும் தொடரும் என்று லேட்டஸ்ட் போஸ்ட் ஒன்றில் தெரிவித்துள்ளார் தமிழ்நாடு வெதர்மேன். இதுகுறித்து முகநூலில் அவர் இன்று வெளியிட்டுள்ள தகவல் பல மாவட்ட மக்களுக்கும் வாவ் சொல்ல வைக்கும் ரகம்தான். கோடை வெப்பத்தை தணிக்கும் வகையில் மழைப் பொழிவு இருக்கப்போகிறது என்கிறார் தமிழ்நாடு வெதர்மேன்.

சென்னை மண்டலம்

காஞ்சிபுரம், திருவள்ளூர் மற்றும் சென்னை (கே.டி.சி பெல்ட்), சிவகங்கை-புதுக்கோட்டை-தஞ்சாவூர் பெல்ட் மற்றும் சேலத்திலும் மழை பெய்யும். அருகிலுள்ள திண்டுக்கல்லின் சில பகுதிகள், மதுரை, ராமநாதபுரம், ஈரோடு, பெரம்பலூர்-அரியலூர், வேலூர், திருவண்ணாமலை, விழுப்புரம், புதுச்சேரி, கடலூர் பகுதிகளிலும் மழை பெய்யும்.

சென்னை வானிலை

அதேநேரம், நினைவில் கொள்ளுங்கள், நேற்று போல, இன்றும் பரவலான மேகங்களை எதிர்பார்க்க முடியாது. இன்று கே.டி.சியின் (சென்னை, காஞ்சிபுரம், திருவள்ளூர்) மண்டலத்தின் சில பகுதிகளில் மழை பெய்யாது. கே.டி.சியின் சில பகுதிகளுக்கு மழை பெய்யும். பட்டியலிடப்பட்ட பிற மாவட்டங்களுக்கும் இது பொருந்தும். மேகங்கள் உருவான பின்னரே நாம் அதைக் கண்டறிய முடியும். இப்போது வரை மழை பெய்யும் வாய்ப்பு உள்ளதை மட்டுமே சொல்ல முடியும்.

சேலம், பெங்களூர்

சேலத்தில் மழை பெய்ய உள்ள நிலையில், அதன் தாக்கத்தால், பெங்களூரிலும் மழை பெய்ய வாய்ப்புகள் உள்ளன. ஆந்திராவின் சித்துர்-நெல்லூர் பெல்ட் பகுதியில் கூட மழை பெய்ய நல்ல் வாய்ப்பு உள்ளது. இன்று காலை 8.30 மணி வரையிலான மழை அளவு (மிமீ) திருவள்ளூர் - 36, சோளவரம் ஏரி - 31, செம்பரபாக்கம் ஏரி - 29, திருவாலங்காடு - 28, பூவிருந்தமல்லி - 26, அம்பத்தூர் - 25, அயனவரம் - 20, தம்பரம் ஐ.ஏ.எஃப் - 20, பெரம்பூர் - 18, தரமணி - 7, ஆலந்தூர் - 6, மீனம்பாக்கம் - 6 மழை பதிவாகியுள்ளது.

English summary

Another day of rains expected in Kancheepuram, Tiruvallur and Chennai (KTC belt), Sivaganga-Pudukottai-Thanjavur belt and Salem too. Rains will be felt in parts of nearby area Dindigul, Madurai, Ramanathapuram, Erode, Perambalur-Ariyalur, Vellore, Tirvannamalalai, Villupuram, Pondy, Cuddalore regions too, says Tamil Nadu Weatherman.